Ուսման Դեմբելեի ապագայի վերաբերյալ մանրամասներ են հայտնի դարձել

«Բարսելոնան» և թիմի ֆուտբոլիստ Ուսման Դեմբելեն մոտ են նոր պայմանագիր կնքելուն: Այս պահին բացակայում է միայն ֆիսկալ համաձայնությունը՝ գրում է Marca-ն:

Դեմբելեի մարզական կարիերայի մեկնարկը «Բարսելոնայում» դժվար է անվանել լավագույններից, սակայն Անսու Ֆատիի վնասվածքից հետո ֆուտբոլիստը դարձել է հիմնական կազմի անբաժանելի մասը:

Կողմերի՝ գործող պայմանագրի ժամկետը լրանում է 2022 թվականի ամռանը, և Դեմբելեն այժմ վստահ է, որ ցանկանում է կարիերան շարունակել հենց կատալոնական ակումբում:

Դեմբելեի վնասվածքները, որն ուղեկցում էին ֆուտբոլիստին «Բարսելոնա» տեղափոխությունից հետո, կարծես անհետացել են, ու նա հնարավորություն է ստացել թիմին հարմարվելու:

Աղբյուրը նշում է, որ «Բարսելոնան» վաղուց էր ցանկանում երկարաձգել պայմանագրի ժամկետը ֆրանսիացու հետ, սակայն Դեմբելեն միայն վերջերս է որոշել, որ մնալու է «կապտանռնագույնների» ճամբարում:

Միացի՛ր հայկական ամենասպորտային Instagram-ին: