Վահան Բիչախչյան․ «Կարիերայումս երկու աննկարագրելի պահ եմ ունեցել․ մեկը` հավաքականում, մյուսը՝ ակումբում» - VNews
Բաժիններ

Վահան Բիչախչյան․ «Կարիերայումս երկու աննկարագրելի պահ եմ ունեցել․ մեկը` հավաքականում, մյուսը՝ ակումբում»

Հայ ֆուտբոլասերները միշտ մեծ ուշադրությամբ են հետևում հարձակվողական ոճի կիսապաշտպան Վահան Բիչախչյանի ելույթներին։ Ի ուրախություն բոլորի, երիտասարդ ֆուտբոլիստը վերջապես հրավիրվեց Հայաստանի ազգային հավաքական և անմիջապես իրեն հիանալի դրսևորեց։

«Ժիլինայում» Վահանը փայլուն մրցաշրջան է անցկացնում՝ Սլովակիայի առաջնության 15 խաղում խփելով 9 գոլ և կատարելով 1 գոլային փոխանցում։ VNews-ի հետ զրույցում նա նշեց, թե ինչի շնորհիվ է դրան հասել. «Կարծում եմ՝ քրտնաջան աշխատանքի և համբերության։ Միշտ չէ, որ ամեն ինչ այնպես է ընթանում, ինչպես ցանկանում ես, բայց չպետք է դադարես հավատալ ու աշխատել նպատակներին հասնելու համար»։

Բանն այն է, որ գյումրեցին արդեն վաղուց է սլովակական ակումբում (2017 թվականից), սակայն նա երկար ժամանակ խաղացել է ակումբի երկրորդ թիմի կազմում։ «Ֆուտբոլում անկանխատեսելի բաներ շատ են լինում։ Պետք չէ հիասթափվել կամ ինչ-որ բանից նեղվել։ Պարզապես հարկավոր է առաջ նայել, մարզվել և սպասել քո շանսին, որպեսզի պատրաստ լինես օգտագործել այն։

«Ժիլինայում» դաշտից դուրս ինձ նույնպես շատ լավ եմ զգում։ Հիանալի մարդկանց եմ հանդիպել, որոնք առաջին օրվանից օգնում են ինձ։ Ոչ մի վայրկյան չեմ զղջացել այստեղ տեղափոխվելու համար։ Հարկավոր է մարդկային շփումը խաղադաշտում և դրանից դուրս, որ կարողանաս քեզ լիարժեք լավ զգալ։ Դա այն է, ինչով «Ժիլինան» առանձնանում է Սլովակիայում»։

Այդուհանդերձ, «Ժիլինայում» հնարավոր չէ երկար մնալ, հատկապես՝ լավ ելույթների դեպքում։ Ակումբը կորոնավիրուսի պատճառով նախորդ տարի լուրջ ֆինանսական խնդիրներ ունեցավ և բացահայտ հայտնեց, որ իր բյուջեն կազմվում է տրանսֆերների շնորհիվ։ Եթե չվաճառեն իրենց լավագույն ֆուտբոլիստներին, կսննկանան։ Ամեն դեպքում Վահանը դեռ չի շտապում հեռանալ․

«Հիմա թիմի հետ եմ և պատրաստվում եմ մրցաշրջանի երկրորդ կեսին։ Կենտրոնացած եմ միայն Սլովակիայում իմ ելույթների վրա։ Մեծ նպատակներ ունեմ, բայց ապագայի մասին շատ չեմ մտածում։ Կարևորը քայլ առ քայլ առաջ գնալն է։ Հետո արդեն ժամանակը ցույց կտա»։

Պատերազմի ժամանակ Բիչախչյանը հաճախ էր աջակցության խոսքեր ասում մեր զինվորներին։ Այդ օրերին դժվար էր կենտրոնանալ ֆուտբոլի վրա, բայց տարին առանձնացավ նաև հիշարժան պահերով.

«Շատ դժվար էր։ Ծանր օրեր էին, բարդ էր կենտրոնանալ մարզումների ու խաղերի վրա։ Սլովակիայում հարցնում էին Արցախում տիրող իրավիճակի մասին, հետաքրքրվում նորություններից։ Տա Աստված, որ այս ամենը վերջացած լինի։

Եթե միայն մարզական տեսանկյունից նայենք, կարելի է ասել՝ հաջող տարի էր հայկական ֆուտբոլի համար։ Կոնկրետ իմ երազանքներից մեկն էր խաղալ Հայաստանի ազգային հավաքականում և դա կատարվեց։ Իսկ հավաքականի հետ հաջողության հասնելը յուրահատուկ զգացմունքներ է առաջացնում։ Նմանատիպ աննկարագրելի պահ եղել է միայն Եվրոպա լիգայում՝ «Շիրակի» կազմում վրացական «Դիլային» խփած գոլի ժամանակ:

Ուզում եմ իմ լավ ելույթներով ու գոլերով ուրախացնել մեր ազգին, քանի որ հայերն ունեն դրա կարիքը։ Հավատում եմ, որ շուտով բոլորս միասին կրկին կլինենք մարզադաշտում։

Իսկ «Ժիլինայում» առաջին լիարժեք տարին էր, որ առողջ էի, փառք Աստծո»։

Սովորաբար ֆուտբոլիստները նախընտրելի դիրքի մասին խոսելիս նշում են, որ կխաղան այնտեղ, որտեղ մարզիչը կասի։ Բայց մենք 21-ամյա ֆուտբոլիստին խնդրեցինք բացառություն անել․

«Ինձ համար ամենահարմարն ենթահարձակվողի դիրքն է։ Կարող եմ նաև աջ եզրից խաղալ և, ինչո՞ւ ոչ, կենտրոնական հարձակվողի»։

Armenia - Estonia

Առջևում Հայաստանի հավաքականի ելույթներն են ԱԱ-2022-ի ընտրական փուլում։ Գյումրեցի ֆուտբոլիստը դրական է տրամադրված․

«Իմ կարծիքով մեր խմբում ուժեղ հավաքականներ են, սակայն շանսեր ունենք։ Պետք է լավ պատրաստվենք խաղերին: Պետք է հավատալ, անմնացորդ նվիրվել և լինել միասնական»։

Ինքս նպատակ եմ դրել հավաքականի ու ակումբի հետ որքան հնարավոր է շատ խաղեր հաղթել։ Շատ չեմ կենտրոնանում ռմբարկու դառնալու վրա։ Ցանկանում եմ լավ խաղալ։ Վերջում կտեսնենք ինչ կստացվի»։

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Դավիդ Դավիդյանն ստացավ VBET Հայաստանի Պրեմիեր լիգայի աշնանային հատվածի լավագույն ֆուտբոլիստի մրցանակը (տեսանյութ)

«Ալաշկերտ» – «Լոռի»․ Մեկնարկային կազմեր, ուղիղ հեռարձակում (տեսանյութ)

Երկրպագուների վերադարձը և հերթական կարևոր խաղերը․ Ինչ է պետք իմանալ VBET ՀՊԼ 16-րդ տուրից առաջ

VBET Հայաստանի Պրեմիեր Լիգայի 18-րդ տուրի և VBET Հայաստանի գավաթի 1/4 եզրափակիչի առաջին խաղերի ժամանակացույցը

Պետրոս Ավետիսյանը՝ «Նոայի» ֆուտբոլիստ

«Լոռին» «Ալաշկերտին» տեխնիկական պարտություն գրանցելու կոչ է արել

Պետրոս Ավետիսյանը վերադառնում է Հայաստան. պայմանագիրն արդեն ստորագրված է

«Արարատը» կրկնեց «Արարատ-Արմենիայի» ռեկորդային շարքը, Խաշմանյանի հոբելյանական հաղթանակը

Աղվան Պապիկյան․ ով համոզեց վերադառնալ Հայաստան և ինչ ծրագրեր ունի Կապառոսի գլխավորությամբ

«Արարատ» – «Արարատ-Արմենիա». Մեկնարկային կազմեր, ուղիղ եթեր

Արարատյան դերբի կամ 2 առաջատարների խաղ․ Ինչ է պետք իմանալ «Արարատ» – «Արարատ-Արմենիա» հանդիպումից առաջ

Գեղամ Ղադիմյանը՝ «Կայսարի» ֆուտբոլիստ

Արտակ Գրիգորյանի տպավորիչ ցուցանիշը․ այդ նվաճմանը մինչ այս հասել էր ընդամենը 13 ֆուտբոլիստ

2 խաղ, 1 գոլ, 1 կարմիր քարտ․ VBET Պրեմիեր լիգայում եռիշխանություն հաստատվեց (տեսանյութ)

«Լոռի» – «Ալաշկերտ»․ Մեկնարկային կազմեր, ուղիղ հեռարձակում (տեսանյութ)

«Շիրակ» – «Վան»․ Մեկնարկային կազմեր, ուղիղ հեռարձակում (տեսանյութ)