VBET Հայաստանի Պրեմիեր լիգայի 14-րդ տուրի խորհրդանշական հավաքականը և լավագույն ֆուտբոլիստը

VNews․am-ը ներկայացնում է VBET Հայաստանի Պրեմիեր լիգայի 14-րդ տուրի խորհրդանշական հավաքականի իր տարբերակը․

Դարպասապահ․ Ստեֆան Չուպիչ («Արարատ-Արմենիա»)

Պաշտպաններ․ Քրիստիան Խիմենես, Հրայր Մկոյան (2-ն էլ՝ «Արարատ»), Տարոն Ոսկանյան («Ալաշկերտ»), Դմիտրի Գուզ («Ուրարտու»)

Կիսապաշտպաններ․ Ռումյան Հովսեփյան («Ալաշկերտ»), Բենիկ Հովհաննիսյան («Նոա»), Աղվան Պապիկյան («Արարատ»), Ալմոգ Օհայոն («Լոռի»)

Հարձակվողներ․ Մաքսիմ Մայրովիչ («Նոա»), Ստեֆեն Ալֆրեդ («Փյունիկ»)

Տուրի լավագույն ֆուտբոլիստ՝ Ստեֆան Չուպիչ («Արարատ-Արմենիա»)

Չեմպիոնն այս առաջնությունում ընդամենը 3 գոլ է բաց թողել, ինչը լավագույն արդյունքն է: Դավիդ Կամպանյայի գլխավորած թիմը վերջին 6 խաղից 5-ում դարպասն անառիկ է պահել՝ ընդունելով միայն 1 գոլ: «Արարատ-Արմենիան» վերջին հանդիպումներում շատ մեծ ուշադրություն էր դարձնում պաշտպանությանը, ինչի շնորհիվ գտավ այն խաղային հավասարակշռությունը, որ փոքր-ինչ բացակայում էր մրցաշրջանի մեկնարկում: Սա կարող է շատ լավ հիմք դառնալ ապագայում նաև հարձակման առումով ավելի մեծ կայունության հասնելու համար:

Հուսալի տեսք ունեն թիմի 2 դարպասապահները: Աբակումովը մասնակցել է 4, Չուպիչը՝ 5 հանդիպման: Վերջինս 2 գոլ է բաց թողել («Գանձասար-Կապանի» դեմ խաղը չհաշված՝ 1): Չուպիչը լավ տպավորություն թողեց նաև «Արարատի» դեմ ծանր մրցավեճում: Մրցակիցը հատկապես ընդմիջումից հետո մի քանի իրական գոլային պահ ստեղծեց, որոնք չիրացրեց: Չուպիչը հրաշալի գործեց առավելապես Ուդոյի հարվածից հետո: Նա նաև աչքի էր ընկնում դարպասից հաշվենկատ ելքերով ու խիզախ, միաժամանակ արդյունավետ որոշումներ կայացնելով:

VBET Հայաստանի Պրեմիեր լիգայի 14-րդ տուրը՝ 10 փաստով

Միացի՛ր հայկական ամենասպորտային Instagram-ին: