Վիդալը «Յուվենտուսի» դեմ խաղից առաջ համբուրել է թուրինյան ակումբի տարբերանշանը (տեսանյութ)

«Ինտերի» կիսապաշտպան Արտուրո Վիդալը հայտնվել է ուշադրության կենտրոնում այն բանից հետո, երբ համբուրել է «Յուվենտուսի» տարբերանշանը: Չիլիացին դա արել է թուրինյան թիմի դեմ Ա սերիայի 18-րդ տուրի շրջանակում կայացած հանդիպումից առաջ (2-0): Հատկանշական է, որ նա այդ խաղի 12-րդ րոպեին դարձել է գոլի հեղինակ:

Հարավամերիկացի ֆուտբոլիստը մրցավեճից առաջ ջերմորեն ողջունել է «Յուվենտուսի» ավագ Ջորջիո Կիելինիին: Այն պահին, երբ նրանք գրկախառնվել են, Վիդալը համբուրել է մրցակից ակումբի տարբերանշանը:

Besito de Arturo Vidal al escudo de la Juventus. “Accidental”, supongo.pic.twitter.com/JLzVXi5E1r

— Jorge Garrett (@garrett_bol) January 17, 2021

Հիշեցնենք՝ Վիդալը 2011-2015թթ․ հանդես է եկել «բյանկոներիների» կազմում: 33-ամյա խաղացողի անվան դիմաց գրանցված է ակումբում անցկացրած 171 մրցավեճ, խփած 48 գոլ և կատարած 25 արդյունավետ փոխանցում: «Յուվենտուսի» ֆուտբոլիստի կարգավիճակում դարձել է Իտալիայի քառակի չեմպիոն, երկրի գավաթակիր, ինչպես նաև կրկնակի սուպերգավաթակիր: Թուրինցիները 2014/15թթ․ մրցաշրջանում հասել են Չեմպիոնների լիգայի գավաթի խաղարկության եզրափակիչ, որտեղ պարտվել են «Բարսելոնային» (1-3):

Վիդալի գոլը «Յուվենտուսի» դեմ հանդիպմանը՝

Վիդալ․ «Մեսիի և Ռոնալդուի միջև չի կարող որևէ համեմատություն լինել»

Միացի՛ր հայկական ամենասպորտային Instagram-ին: