Վինիսիուս. «Ռեալում» բոլորս ունենք հավասար խաղաժամանակ, բացի մեկից»

«Ռեալի» եզրային հարձակվող Վինիսիուս Ժունիորը Esporte Interativo-ին տված հարցազրույցում տարբեր թեմաների է անդրադարձել:

«Ռոդրիգոյի հետ խաղաժամանակը կիսե՞լը. Զիդանի համար որոշումներ կայացնելը դժվար է, մեզ համար նույնպես հեշտ չէ: Բոլորն էլ ցանկանում են խաղալ: Զիդանը փորձում է հավասարաչափ բաշխել խաղաժամանակը, և դա իսկապես այդպես է՝ բոլորս էլ հավասարաչափ ենք խաղում, բացի Կազեմիրոյից (ծիծաղում է – խմբ.): Ես ու Ռոդրիգոն իրար շատ ենք օգնում, մենք մրցակիցներ չենք: Ուրախ եմ, որ Ազարը վերադառնում է, նա կուժեղացնի թիմը:

«Մանչեսթեր Սիթիի» հետ դիմակայությունը բարդ է լինելու երկու թիմերի համար էլ: «Ռեալը» միշտ Չեմպիոնների լիգային առանձնահատուկ է մոտենում, իսկ «Սիթին» գիտի լավ ֆուտբոլ խաղալ:

Մենք հատուկ աշխատանքներ ենք տանում Զիդանի ու նրա օգնականների հետ, որ իմ արդյունավետությունը կատարելագործվի: Բայց չեմ անհանգստանում գոլերի պակասից. դեռ 19 տարեկան եմ, գոլերն անպայման կգան», – ասել է բրազիլացին:

Միացի՛ր հայկական ամենասպորտային Instagram-ին: