Mattel-ը թողարկել է Բարբի տիկնիկ՝ Մեծ Բրիտանիայի թագուհի՝ Եղիսաբեթ II-ի 96-ամյակի, ինչպես նաև թագուհու գահակալման 70-ամյակի կապակցությամբ։ Այս մասին հայտնում է People-ը։
Եղիսաբեթ II թագուհու տիկնիկային կերպարի ստեղծման ոգեշնչումը եղել է իր ամենանշանավոր կերպարներից մեկը, որտեղ նա կրում է փղոսկրի երանգի երկար զգեստ և կապույտ ժապավեն՝ զարդարված շքանշաններով, ինպես նաև տիարա (ոգեշնչված թագուհի Մարիայից), որը Եղիսաբեթ թագուհին կրել է արքայազն Ֆիլիպի հետ իր հարսանիքին` համապատասխան աքսեսուարներով:
Տիկնիկը վաճառվում է ապրիլի 21-ից՝ թագուհու ծննդյան օրվանից` 75 դոլար արժողությամբ, վաճառքը հասանելի կլինի Amazon, Walmart, Target և Mattel կայքերում։ Եղիսաբեթ թագուհի տիկնիկը Barbie Tribute Series-ի (բարբիների` հարգանքի տուրքի մատուցման շարք) մաս է կազմում:
Կարող եք կարդալ նաև՝
70 տարի գահին․ այսօր ամենաերկար թագավորած միապետի՝ Եղիսաբեթ II թագուհու 96-ամյակն է