Շվեդական Ericsson ընկերությունն անորոշ ժամկետով դադարեցնում է գործունեությունը Ռուսաստանում։ Այս որոշումը, ինչպես ասվում է ընկերության հայտարարության մեջ, ընդունվել է ԵՄ նոր պատժամիջոցների ֆոնին։
Ericsson-ի աշխատակիցները Ռուսաստանում կուղարկվեն վճարովի արձակուրդ։
Ericsson-ը ռուսական խոշորագույն կապի օպերատորների հեռահաղորդակցության սարքավորումների մատակարար է , այդ թվում՝ MTS-ի և Tele2-ի համար:
Ապրիլի 8-ին Եվրամիությունն ընդունել է Ռուսաստանի դեմ պատժամիջոցների հաջորդ՝ հինգերորդ փաթեթը՝ Ուկրաինա ներխուժման պատճառով։ Այն, մասնավորապես, արգելում է Ռուսաստան մատակարարել բարձր տեխնոլոգիական էլեկտրոնիկա և տեխնոլոգիաներ։