«Գրեմմի» երաժշտական մրցանակաբաշխությանն ամեն տարի հավաքվում են ինդուստրիայի առաջատար ներկայացուցիչները: 64 տարվա պատմության ընթացքում կարմիր գորգը տեսել է և՛ Մայքլ Ջեքսոնին, և՛ Յոկո Օնոյին՝ Ջոն Լենոնի հետ, և՛ Մադոննային, և՛ Շերին (1974-ի մրցանակաբաշխությանը նրա կերպարը պատմության մեջ մտավ որպես կուլտային): Նման իրադարձությանը ժամանակ առ ժամանակ հետևում են ոչ միայն նրանք, ովքեր չեն պատկերացնում իրենց կյանքն առանց ականջակալների, այլև ամբողջ աշխարհը։ Հանդիսատեսի կեսին ոչ այնքան մտահոգում է հաղթողի անունը, որքան նրա հանդերձը կարմիր գորգի վրա, բայց, ինչպես ասում են, առանց «ձախողումների» տեղ չես հասնի։ Ամենավատ հագնվածների վարկանիշներում հայտնվել են Լեդի Գագան, Շակիրան, Քրիստինա Ագիլերան և նույնիսկ Ջեյ Լոն։
Ինչ-որ բան մեզ հուշում է, որ այս տարվա արարողությունից հետո «ամենավատ» խարանով արխիվը կհամալրվի ևս մեկ-երկու (տասնյակ) ելքով։ Այս տարվա «Գրեմմի»-ի կարմիր գորգին մենք տեսանք 2007-ից «փախած» Ավրիլ Լավինին, Բիլի Այլիշին, որը հերթական անգամ գոթական ոճի էր հարում, և Megan Thee Stallion-ին՝ ճակատագրական վագրի կերպարով: Եվ սա դեռ ամենը չէ: Մենք հավաքել ենք ամենատարօրինակ կերպարների ընտրանին․
Բիլի Այլիշ
Նեյ Փալմ
Լինդա Չորնի
Վիկտորյա Էվիգան
Յոլա
Megan Thee Stallion
Լորա Սեգուրա
Ավրիլ Լավին
Քլոյա Բեյլի
H.E.R.
Նատալի Գրանտ
Ալիշա Գադիս
Չերի Մուն
Japanese Breakfast