Ջեսիկա Ալբան վաղուց մեկ քայլ առաջ է գիտակցված կյանքի հարցերում։ 2011-ին նա համահիմնել է գիտակցված ապրելակերպի The Honest Company ապրանքանիշը, իսկ 2015-ին նաև թողարկել է Honest Beauty-ն:
«Անկեղծ ասած, մենք շարունակական կատարելագործման ճամփորդության մեջ ենք: Մենք միշտ փորձում ենք մոլորակը և կայունությունը բիզնեսի ուշադրության կենտրոնում պահել», - ասում է Ալբան:
Դերասանուհին մեծ ցանկություն և նպատակ ունի մոլորակը պաշտպանելու իր փորձերը փոխանցել հաջորդ սերնդին:
«Որպես երեք երեխաների մայր՝ ես նաև իմ երեխաներին եմ սովորեցնում կայունության կարևորությունը և մոլորակի հանդեպ հարգանքը», - ասում է նա:
Ահա 5 կարևոր խորհուրդ Ջեսիկա Ալբայից ավելի կայուն ապրելակերպի համար՝
- Խուսափեք միանգամյա օգտագործման ապրանքներից
«Ինձ համար կարևոր է շատ զբաղվել վերօգտագործմամբ և վերամշակմամբ: Կրկնակի օգտագործման շշերը նշանակում են, որ ավելի քիչ շշեր են հայտնվում աղբամանում: Մեկանգամյա օգտագործման լվացող միջոցների փոխարեն ընտրեք բազմակի օգտագործման տարաներ»:
- Օգտագործեք ֆունկցիոնալ և բազային հագուստ
«Երբ խոսքը վերաբերում է հագուստին և նորաձևության միտումներին, ուշադրություն դարձրեք այն իրերին, որոնք դուրս չեն գալիս նորաձևությունից շատ արագ: Աջակցեք էկոլոգիապես մոտեցմամբ ապրանքանիշերին»:
- Հիշեք բյութի ապրանքների մասին
«Գործվածքից դիմակները պլաստմասե բաժակների նման են և ի վերջո առաջացնում են նույնքան թափոն, որքան մեկանգամյա օգտագործման պլաստիկ արտադրանքները: Օգտագործեք բազմակի օգտագործման սիլիկոնե թիթեղներով դիմակներ՝ գեղեցկության թափոնները նվազեցնելու նպատակով»:
- Աջակցեք տեղական գյուղատնտեսությանը
«Կայուն հողագործությունը մեծ նշանակություն ունեցող հսկայական արդյունաբերություն է, որը հաճախ անտեսվում է: Հաճախակի օգտագործելով տեղական գյուղատնտեսության արտադրանք, կարող եք զգալիորեն նվազեցնել սննդի թափոնները»:
- Փոքր որոշումները կարևոր են
«Հիշեք, որ ձեր ընդունած բոլոր փոքրիկ որոշումներն ի վերջո գումարվում են: Եվ եթե մենք բոլորս մեր մասով փոքր քայլեր կատարենք, այն գլոբալ առումով մեծ ազդեցություն կունենա»: