Ամերիկյան իրապատում շոուի աստղ, մոդել և գործարար Քայլի Ջեները լույս աշխարհ է բերել իր երկրորդ երեխային: Այդ մասին մոդելը հայտնել է իր ինստագրամյան էջում:
Հեռուստաաստղը հրապարակել է հուզիչ լուսանկար, որում մոդելի ավագ դուստրը բռնել է նորածնի ձեռքը: Լուսանկարին կից Քայլի Ջեները պատկերել է կապույտ սրտիկ, ինչով հասկացնել է տվել, որ ունեցել է որդի:
Երեխայի հայրը ռեփեր Թրևիս Սքոթն է: Փոքրիկի անունը, ինչպես նաև այլ մանրամասներ դեռ չեն հրապարակվում:
Լուրերն այն մասին, որ Քայլին հղի է Թրևիսից, հայտնվել են անցյալ տարվա օգոստոսին:
Մոդելը երբեք չի թաքցրել, որ երազում է մեծ ընտանիքի մասին և ցանկանում է նվազագույնը 4 երեխա ունենալ: Նրա առաջնեկը` Սթորմին, լույս աշխարհ է եկել 2018 թվականի փետրվարի մեկին:
