Ռուսաստանում կշարունակեն գործել Uniqlo հագուստի խանութները։ Այս մասին հայտարարել է ճապոնական Fast Retailing Co. ընկերության հիմնադիր և ղեկավար Թադաշի Յանայը, հայտնում է Bloomberg-ը։
«Հագուստը կենսական անհրաժեշտություն է։ Ռուս ժողովուրդն ունի կյանքի նույն իրավունքը, ինչ մենք»,- ասել է Թադաշի Յանայը։
2021 թվականի նոյեմբերի վիճակագրության համաձայն՝ Ռուսաստանում գործում է Uniqlo-ի 48 կետ։
Յանային անվանում են «Ճապոնիայի ամենահարուստ մարդը»։ Նա դեմ է Ուկրաինայում ռուսական «ռազմական հատուկ գործողությանը»։