Ցանկանու՞մ եք խաղալ թագավորի պես: Goldin Auctions-ը ձեզ հնարավորություն է տալիս անել դա: Հարթակը վերջերս վաճառքի է հանել Nintendo WII խաղային կցորդը, որն ի սկզբանե պատրաստված էր Եղիսաբեթ II թագուհու համար: Սարքը նախնական գնահատվել է 3000 դոլար՝ գումարած գնորդի հավելավճարը:
Nintendo Wii-ն պատվիրել էր այժմ չգործող խաղերի մշակող THQ-ը՝ իրենց BIG Family Games խաղը գովազդելու համար: Մեկնաբանելով դա՝ THQ-ի այն ժամանակվա արտադրանքի մենեջեր Դանիել Ռոբինսոնը հայտարարել է․
«Թագավորական ընտանիքը, թերևս, երկրի ամենակարևոր ընտանիքն է, և մենք զգացինք, որ նրանք պետք է ունենան նոր խաղի պատճենը, ուստի հավելյալ շահագործման է հանձնվել հատուկ ոսկե խաղային կցորդ»։
Ոսկե սարքն այդպես էլ չհասավ Բուքինգհեմյան պալատ՝ արքայական նվերների առումով «հասկանալի խիստ» քաղաքականության պատճառով, և այն հետագայում ձեռք բերեց հոլանդացի կոլեկցիոներ և Consolevariations-ի սեփականատեր Դոնի Ֆիլերուպը:
Կցորդի նկարագրության մեջ ասվում է. «Ահա Wii-ի կատարյալ հավաքածուն, որը պատվիրվել է հատուկ Նորին Մեծություն Թագուհու համար՝ «Golden Wii» մարքեթինգային (փոքև-ինչ հիմար և, ի վերջո, անհաջող) հնարքով»:
Ամբողջական փաթեթը ներառում է խաղային կցորդ, մեկ կարգավորիչ, Big Family Games-ի պատճենը, սենսորային վահանակը և բոլոր անհրաժեշտ մալուխները: Ընդհանուր առմամբ՝ այն լավ վիճակում է, բայց տեղ-տեղ ոսկու «ցրված» փշուրների հետքեր կան։ Gold Wii-ն այժմ բաց է սակարկությունների համար Goldin-ի կայքում մինչև դրա վերջնական վաճառքը՝ 2022 թվականի մայիսի 21-ը: