Ավարտական երեկույթը պահանջում է հատուկ պատրաստություն, որին շրջանավարտները մոտենում են ամենայն լրջությամբ և պատասխանատվությամբ:
Երեկույթի զգեստների բազմազանությունն այնքան հսկայական է, որ կարող եք խճճվել ճիշտ ընտրության հարցում:
Քնքշություն, նրբագեղություն ու կանացիությունն… այն ամենն, ինչ յուրաքանչյուր աղջիկ ակնկալում է խնջույքի զգեստից, քանի որ սա առաջին տոնական կերպարն է, որն ընդգծելով երիտասարդությունը անցում է կատարում դեպի «մեծահասակների աշխարհ»:
Գիշերազգեստ հիշեցնող մետաքսե զգեստ
Գիշերազգեստ հիշեցնող զգեստը դասական իդեալական տարբերակ է երեկույթի համար: Կերպարը կարող եք ամբողջականացնել Բոտտեգա Վենետա ոճի փոքրիկ պայուսակով և mules տեսակի կոշիկով: Որպես հավելում, կարող եք ընտրել մետաքսե շարֆ կամ թիկնոց:
Անցյալ դարի 20-ականներին բարակ ժապավեններով մետաքսյա զգեստները համարձակվում էին կրել միայն նորաձևություն թելադրողները: Այդ ժամանակների ամենահայտնի կանանցից էր սեքսուալ Ջին Հարլոուն, ով սիրում էր հասարակության մեջ հայտնվել գիշերազգեստ հիշեցնող, փոքր ինչ «անփույթ» երկար զգեստներով:
Մինի
Մինչ ձեր դասընկերներից շատերն ընտրում են փքված և «շողշողացող» զգեստներ, խորհուրդ ենք տալիս ուշադրությունը սևեռել թրենդերի վրա: Մինի զգեստը հիանալի տարբերակ է ավարտական երեկույթի համար:
Այս սեզոնում մինի երկարությունը գրավել է նորաձևության պոդիումները: Miu Miu-ն առաջարկել է նուրբ զգեստ մեծ բանտով, Giambattista Valli-ն ցուցադրել է ծայրահեղ կարճ զգեստ crochet տեխնիկայով, իսկ David Koma-ն ընտրել է գայթակղիչ սպիտակ մինի, թևերի տարբեր ձևածքով:
Փայլիկներ
2021 թվականը նորից վերականգնել է փայլող ամեն ինչի նորաձևությունը: Որպես ապացույց՝ Սելինն ու Gucci-ն են: Կերպարը լիարժեք կդառնա բայքերական բաճկոնի համադրությամբ, ինչպես Louis Vuitton ցուցահանդեսում:
Փքված թևեր
Մեկ այլ միտում, որը հիանալի տարբերակ է երեկույթի համար: Ընդհանուր առմամբ ուսերի շեշտադրմամբ զգեստներն ամենադիտարժանն են ցանկացած իրադարձության ժամանակ: Isabel Marant-ն այսպիսի տարբերակ է առաջարկում իր հավաքածուում, Ալեքսանդր ՄաքՔուինը ցուցադրել է վերնաշապիկով՝ չափազանց լայն թևերով, իսկ Լանվինը՝ ծավալուն օձիքը լայն թևերի վերածվող զգեստ:
Ծաղկային պրինտ
Ծաղկային պրինտը ջերմության հոմանիշն է: Այնպես որ, ձեր՝ գարնանային լավագույն ընտրությունը կարող է ծաղկային նախշերով զգեստը լինել: Նոր սեզոնում ուշադրության կենտրոնում են փոքր դաշտային մոտիվներով զգեստները, մեծ բողբոջներով պատկերները, ծաղկային ասեղնագործությամբ, նկարիչների հայտնի գործերի պատկերներով զգեստները: