«АвтоВАЗ» ավտոկոնցեռնը չորս օրով դադարեցնում է Lada ընտանիքի մեքենաների հավաքման գործընթացը, «Ինտերֆաքս»-ին հայտնել են ընկերության ներկայացուցիչները։
Նման որոշում, ըստ նրանց, ընդունվել է «էլեկտրոնային բաղադրիչների մատակարարման ոլորտում շարունակվող ճգնաժամի պատճառով և ընկերության աշխատակիցների եկամուտների զգալի նվազումը կանխելու նպատակով»։
«Ведомости»-ն գրել է, որ «АвтоВАЗ»-ը բախվել է գերմանական Bosch-ի կողմից մատակարարվող միկրոէլեկտրոնիկայի պակասին: Միաժամանակ, հրապարակման զրուցակիցներն ասել էին, որ խոսքը պլանային պարապուրդի մասին է, և այն, ինչ տեղի է ունենում, կապված չէ պատժամիջոցների հետ։ Bosch-ը չի արձագանքել թերթի խնդրանքին։
Փետրվարի 28-ից ուժի մեջ են մտել Ռուսաստանի դեմ արևմտյան նոր պատժամիջոցները՝ Ուկրաինա ներխուժման պատճառով։ Դրանք ներառում են Ռուսաստանի Դաշնության Կենտրոնական բանկի ակտիվների սառեցում և ռուսական որոշ բանկերի անջատում SWIFT համակարգից։
Պատժամիջոցներին հակազդելու շրջանակում Ռուսաստանի բանկն արդեն հայտարարել է հիմնական տոկոսադրույքի արտակարգ բարձրացման մասին՝ տարեկան 9,5%-ից մինչև 20%: