Բելգիայի թագավորն ու թագուհին՝ Ֆիլիպն ու Մաթիլդան, հայտարարել են, որ ուկրաինացի փախստականների երեք ընտանիքներ կտեղավորեն թագավորական բարեգործական հիմնադրամին պատկանող շենքերում։ Այդ մասին հայտնում է բելգիական RTBF հեռուստաալիքը։
«Սրանք բնակելի թաղամասեր են, սկզբնական նպատակն էր՝ հասանելի դարձնել դրանք սոցիալական գործակալություններին՝ ցածր եկամուտ ունեցող մարդկանց տեղավորելու համար․ առաքելություն, որը համապատասխանում է այն ամենին, ինչի մենք ուզում ենք հասնել թագավորական նվիրատվության միջոցով»,- հեռուստաընկերությունը մեջբերել է Royal Donation-ի նախագահ Յան Սմեցի խոսքը:
Ըստ նրա՝ հաշվի առնելով փախստականների հետ կապված ճգնաժամը, թագավորական ընտանիքն այդ տները հասանելի կդարձնի արտակարգ իրավիճակներում հայտնված մարդկանց։
ՄԱԿ-ի Միգրացիայի միջազգային գրասենյակի վերջին տվյալների համաձայն՝ Ուկրաինայում ռուսական ռազմական գործողության սկզբից ի վեր մոտ 3 միլիոն մարդ լքել է երկիրը։
Ուկրաինայից փախստականների գրանցման նոր կենտրոն է բացվել Բելգիայի մայրաքաղաք Բրյուսելում։