Մայիսի 19-ին Կանավերալ հրվանդանից մեկնարկեց հրթիռակիր «Atlas V»-ի՝ Boeing CST-100 Starliner տիեզերանավի հետ թռիչքը: Այն արդեն ճիշտ ուղեծիր է դուրս եկել՝ վաղը երեկոյան Միջազգային տիեզերակայանին միանալու համար:
Տիեզերանավը կրում է 360 կգ օգտակար բեռ։ Անձնակազմ չկա, բայց ապագայում կարող է ունենալ մինչև 7 տիեզերագնաց։ Բազմակի օգտագործման կապսուլը թույլ կտա նաև վերադարձնել ուղևորներին։
Այս առաքելությունը տեղի ունեցավ առաջին անհաջող մեկնարկից գրեթե երկուսուկես տարի անց, երբ թռիչքը չընթացավ ըստ պլանավորածի․ այն ժամանակ Starliner-ը չհասավ անհրաժեշտ բարձրության:
Հաջող արձակումն ուղեծիր այժմ նշանավորում է հաջորդ շաբաթ Starliner-ի կարևոր փորձարկումների սկիզբը տիեզերքում և կօգնի հաստատել կապսուլի պատրաստ լինելը մարդկանց տիեզերք տանելու համար:
Մոտ ապագայում այն պետք է ավտոմատ միանա Միջազգային տիեզերական կայանին՝ օգտագործելով իր ներքին սենսորները: Այնուհետև այն պետք է անջատվի և վերադառնա՝ ապահով վայրէջք կատարելով Երկրի վրա:
Starliner-ը մասնավոր տիեզերանավ է, որը մշակել է Boeing-ը՝ ՆԱՍԱ-ի հետ գործակցելով, հիմնականում օգնելու համար գործակալության տիեզերագնացներին տեղափոխվել Միջազգային տիեզերակայան և վերադառնալ: