Մեծ Բրիտանիայում նոր օրենք է ընդունվել, ըստ որի բլոգերները գովազդային հրապարակումներում պետք է նշեն՝ արդյոք դիմել են ռետուշին։
Նոր օրենսդրությունը, որը հակիրճ կոչվում է «Մարմնի թվային փոփոխութունների օրինագիծ», առաջարկել է պահպանողական պատգամավոր դոկտոր Լյուկ Էվանսը: Նա կոչ է արել պայքարել սոցցանցերում մարմնի անիրատեսական կերպարի դեմ և ասել, որ ինֆլուենսերները պետք է ազնիվ լինեն իրենց լսարանի հետ։
«Մարդիկ սպառազինությունների մրցավազքի մեջ են՝ հանուն կատարյալ սելֆիի, որն ազդում է հոգեկան առողջության վրա», - հավելել է Էվանսը:
Օրինագիծը մշակողների ակնկալիքների համաձայն՝ այն կօգնի պայքարել ուտելու խանգարումների դեմ՝ սննդի հետ կապված սինդրոմների, որոնք հաճախ զարգանում են իդեալականացված չափանիշներին չհամապատասխանելու անհանգստության ֆոնին:
Դոկտոր Էվանսը հավելել է, որ օրենքը հատկապես վերաբերում է կոմերցիոն գովազդվող պատկերներին.
«Խոսքը վերաբերում է ոչ թե ձեր հարսանյաց լուսանկարները ֆիլտրելուն կամ աչքերի կարմիր էֆֆեկտը հեռացնելուն, այլ ուղղված է նրանց, որոնք զգալի ազդեցություն ունեն և կոմերցիոն նպատակներ են հետապնդում»:
