Չինաստանի հարավային և արևելյան մի քանի նահանգներից հարյուր հազարավոր մարդիկ են տարհանվել անդադար անձրևների պատճառով, որոնք առաջացրել են ջրհեղեղներ և սողանքներ:
Երկու նահանգ երեքշաբթի ջրհեղեղի մասին նախազգուշացումներ են արել, քանի որ գետերը դուրս են եկել ափերից, և ջրհեղեղը գերազանցել է 50 տարվա առավելագույն մակարդակը:
Պետական լրատվամիջոցների տեսանյութը ցույց է տալիս, թե ինչպես են մարդկանց փրփրած գետերի վրայով պարաններով դուրս բերում:
Օդերևութաբանների տվյալներով՝ 1961 թվականից ի վեր այս տարածքում ամենաշատ տեղումներն են գրանցվել:
Գետերի ափերին և ցածրադիր վայրերում բնակվող համայնքների բնակիչներին հորդորում են տեղափոխվել ավելի բարձր վայրեր:
Գուանդուն նահանգի Շաոգուան քաղաքն ամենաշատ տուժածներից է, քաղաքում մայիսի վերջից ի վեր ռեկորդային տեղումներ են գրանցվել: Ջրհեղեղի նախազգուշացում է տրվել նաև Գուանդուն նահանգի Ցինյուան քաղաքին։