Կորոնավիրուսով պայմանավորված՝ երկարատև դադարից հետո «Անռիվա» ընկերությունը, որը հանդիսանում է «Էյր Կաիրոյի» պաշտոնական ներկայացուցիչը Հայաստանում, վերսկսում է կանոնավոր թռիչքները Եգիպտոս՝ Շարմ Էլ Շեյխ և Հուրգադա: «Անռիվան» մեդիա-տուր էր կազմակերպել Շարմ Էլ Շեյխ: Սա առաջին թռիչքն էր՝ սեպտեմբերի 17- ին, որին նախորդել էր Եգիպտոսի զբոսաշրջության նախարարի այցը Երևան: Լրագրողները մեկնեցին տեսնելու, թե համաճարակի պայմաններում ինչպես է իրականացվում տուրիզմը, ծանոթանալու հիգիենիկ-հակահամաճարակային միջոցառումներին հանգստյան գոտիներում, տնտեսական ճգնաժամի հասցրած վնասին և վերականգնման մեթոդներին: Թռիչքի համար նախ անհրաժեշտ է կորոնավիրուսի թեստ հանձնել. մեկնել թույլատրվում է միայն բացասական պատասխանից հետո:
Մանրամասները՝ ներկայացվող տեսանյութում և լուսանկարներում:
Երեք ժամ թռիչք, որի ընթացքում համտեսում ես եգիպտական համեղ սնունդ, և ահա՝ «Էյր Կաիրոյի» ինքնաթիռից երևում են Շարմ Էլ Շեյխի գեղեցիկ օազիսները:
Պաշտոնական դիմավորում, անակնկալներ
Հայաստանից առաջին վայրէջքն է, Եգիպտոսը մեզ դիմավորում է տոնական և պաշտոնական:
Sun International. Եգիպտոսի լավագույն տուրօպերատորներից մեկը
Այստեղ ամբողջ ժամանակ մեզ ուղեկցելու է «Սան Ինթերնեյշնլ» զբոսաշրջային ընկերության ներկայացուցիչ Ահմեդ Աբուֆայեդը: Նա 15 տարի զբոսավար է աշխատում, կատակում է՝ շատ տարածված անուն ունի, Եգիպտոսում մարդաշատ վայրերում եթե ուղղակի կանչենք՝ Ահմեդ, մեծ մասը կարձագանքի:
«Սավոյ»
Առաջին կանգառը «Սավոյ» հանգստի գոտին է քաղաքի կենտրոնական մասում՝ սպիտակ, գեղեցիկ, հարմարավետ: Ջերմաչափում են՝ անվտանգությունն առաջնային է: Հյուրերի հանդեպ ընդգծված ուշադիր են այստեղ. յուրաքանչյուրի համար ժամանակ ունեն, սիրալիր պատասխանում են, անձամբ ուղեկցում՝ ուր անհրաժեշտ է: Բարձրակարգ սպասարկումը «Սավոյի» առավելություններից է:
«Հայաթ Ռիջենսի»
«Հայաթ Ռիջենսին» Շարմ Էլ Շեյխի բարձրակարգ, շքեղ հյուրանոցներից մեկն է՝ «Հայաթ» ցանցի ամենագեղեցիկ ճարտարապետությունն ունի:
«Գրանդ Ռոտանո Օազիս»
Առանձնահատուկ հանգստի վայր է՝ ամեն ինչ հին եգիպտական ոճով, ժամանակակից սպասարկմամբ, գեղեցիկ տեսքով:
«Ֆո Սիզն»
«Ֆո Սիզնը» 7-աստղանի շքեղագույն հյուրանոց է Շարմ Էլ Շեյխում, ուր հանգստանալու են գալիս նաև Եգիպտոսի շեյխերը, աշխարհի բարձրաստիճան պաշտոնյաները:
«Գրանդ Ռոտանա»
Այս հանգստյան գոտին նույնպես հիացնում է իր բարձրաճաշակ ինտերիերով, գեղեցիկ տեսարաններով, հարմարավետությամբ: Այն, սակայն, ավելի շատ հայտնի է արմավենիների տեսականիով ու քանակով. դրանց թիվը հազարների է հասնում:
Հայերը նախընտրում են հանգստանալ նաև «Ռիֆ Օազիս բիչ», «Գրանդ Օազիս», «Ռիքսոս», «Բարոն», «Մոնտե Կառլո», «Սենսատորի» հանգստյան գոտիներում: Շարմ Էլ Շեյխում հիմնականում բարձրակարգ են հյուրանոցները:
«Farsha». բարի գալուստ հեքիաթ
Անմիջապես ծովափին, ժայռի մեջ կառուցված «Ֆարշան» բառերով նկարագրելու վայր չէ: Լինել Շարմ Էլ Շեյխում և չայցելել «Ֆարշա» բար, կնշանակի կորցնել շատ կարևոր մասնիկ ոչ միայն հանգստից, այլև ընդհանրապես, էսթետիկ, բուռն էմոցիաների, շունչ կտրող գեղեցկության, երաժշտական ընկալման, հոգեկան ներդաշնակության աշխարհից: Այստեղ լինելը կարևոր է. այցելեք և կհամոզվեք:
«Ծովահենային» զբոսանք՝ չնաշխարհիկ Կարմիր ծովում
Կարմիր ծովն աշխարհի ամենագեղեցիկն է՝ միշտ հանդարտ, միշտ տաք, անդրջրյա ֆանտաստիկ աշխարհով: Լրագրողների համար պատվիրված էր նորակառույց, գեղեցիկ ու հարմարավետ «Ծովահենը», ուր աշխատում են բարձր որակավորում ունեցող մասնագետներ՝ խոհարարից մինչ նավավար: Նավը մեզ տարավ զարմանահրաշ Սպիտակ կղզի, հիացանք ջրային բազմագույն ու հմայիչ աշխարհով, ճաշակեցինք բարի հսկա հիշեցնող շեֆ-խոհարարի պատրաստած համեղ կերակուրը:
Safari Tour. մոգական անապատը
«Սաֆարի տուրն» ամենասպասված պահերից է: Առաջին հայացքից ամայի անապատը անդիմադրելի ձգողություն ունի. բավական է մեկ ամգամ լինել, և շարունակ վերադառնալ ես ուզում: Այստեղ հասկանում ես, որ անապատի մասին բոլոր միստիկ պատմություններն իրականության եզր ունեն: Մայրամուտն անապատում պակաս հմայիչ չէ, որքան ծովում:
«Հազար ու մի գիշերվա» քաղաքը
Շոգի պատճառով կյանքը Շարմ Էլ Շեյխում սկսվում է գիշերը. խանութները, ժամանցի կենտրոնները փակ են ցերեկը: Բազմազգ զբոսաշրջիկները ժպտում են բարեհամբույր. ջերմ, ընկերական մթնոլորտ է: Ամենուր զգում ես Եգիպտոսի տաք շունչը:
Եգիպտական շոուների անբաժանելի մասն են պարերը, աներևակայելի է, թե ինչպես է հնարավոր այդքան պտտվել:
Եգիպտացի երեխաները, ինչպես մոլորակի բոլոր մանուկները, հրաշալի են: Նրանք յուրահատուկ աչքեր ունեն՝ սև, գեղեցիկ և մեծ:
Հրաժեշտ՝ վերադարձի նախապայմանով
Լրագրողական այցը Շարմ Էլ Շեյխ ամփոփվեց հրաժեշտի երեկոյով, որի ընթացքում ևս մեր եգիպտացի գործընկերները հաճելի անակնկալներ մատուցեցին: Նրանք նորից ու նորից շեշտեցին, որ մենք երկու հնամենի ազգ ենք՝ տարբեր, բայց հարուստ մշակույթով, ընտանիքի, բարեկամների հանդեպ ընդհանուր արժեքներով: Եվ, իսկապես, Հայաստանի համար Եգիպտոսը տուրիզմի առումով լավագույն ուղղություններից է՝ մատչելի, հարմարավետ, հաճելի, բարձրակարգ սպասարկմամբ:
«Անռիվան»՝ ապահով, լիարժեք հանգստի գրավական
Ամբողջ խնդիրը պատասխանատվությունն է. երբ դուք գործ եք ունենում «Անռիվայի» հետ, այլևս մտահոգվելու կարիք չկա, թե կհասցնե՞ք արդյոք թռիչքին, անվտա՞նգ կլինի հանգիստը, լավ կանցնի՞ ժամանակը, չեք մնա՞ անծանոթ ճանապարհներին… Չե՛ք մնա, ձեզ պարբերաբար կզանգեն կհիշեցնե՛ն թռիչքի ժամը, ձեր փոխարեն կմտածե՛ն ձեր լիարժեք հանգստի, հաճելի ժամանցի մասին, հոգ կտանե՛ն ձեր անվտանգ ճամփորդության համար, կսպասարկե՛ն բարձր մակարդակով: Դուք կսիրե՛ք Եգիպտոսն ամեն գնալով ավելի շատ, իսկ էլի գնալ կցանկանա՛ք, քանի որ «Անռիվան» լուրջ և վստահելի գործընկեր է:
