Փոքր, կլոր և անսովոր ժապավենով ամրացվող:
Արդեն հաջորդ ամիս Google-ն I/O ամենամյա կոնֆերանսի շրջանակում կարող է ցուցադրել իր առաջին ֆիրմային խելացի ժամացույցը՝ Pixel Watch-ը: Նրա մասին շատ խոսակցություններ եղան, նույնիսկ ռենդերներ հայտնվեցին, սակայն նկարներ չկային մինչ այս պահը։ Այժմ դրանք հրապարակել է Android Central պորտալը:
Լուսանկարում պատկերված գաջեթը գրեթե ամբողջությամբ համապատասխանում է նախկինում հրապարակված պատկերներին։ Այն ունի կլոր էկրան, մինիմալիստական դիզայն, կողային մասում՝ պտտվող կոճակ, և ևս մեկը՝ թաքնված հետևի մասում:
Ժամացույցի ժապավենը ոչ ստանդարտ է՝ անսովոր ամրակով։ Լիցքավորման համար այն հավանաբար օգտագործում է անլար տեխնոլոգիա։ Ժապավենի մասերից մեկի ամրացման կետում ֆիկսացիայից կարելի է ենթադրել, որ լուսանկարում պատկերված է ժամացույցի միայն ինժեներական նմուշը։
Pixel Watch-ը, հավանաբար, կլինի առաջին մոդելը, որը կաշխատի ամբողջությամբ թարմացված Wear OS 3-ով:
