Մարդկանց մի մասը թերահավատորեն է վերաբերում Վալենտինի օրվան՝ այն անվանելով մարքեթինգային հնարք, մյուսը` լրացուցիչ հնարավորություն է այն համարում՝ մի փոքր ռոմանտիկա ստեղծելու և փոխանցելու:
Եթե դուք 2-րդ ճամբարին եք պատկանում, ապա առաջարկում ենք 3 արդյունավետ և գործնական գաղափար, որոնք տեղին կլինեն ինչպես Սուրբ Վալենտինի օրը, այնպես էլ դրանից հետո։
Վարդագույն
Վարդագույնն այն երանգն է, որն ակնթարթորեն հայտնվում է մտքում, երբ խոսքը Վալենտինի օրվա մասին է, բայց չպետք է մոռանալ, որ այն վաղուց դադարել է մանկական և անլուրջ համարվելուց: Այսօր վարդագույնը հաճախ կարելի է տեսնել ինչպես նորաձևության գիտակների և սիրահարների զգեստապահարաններում, այնպես էլ միշտ շտապող կարիերիստների մոտ։
Ցանկալի է, որ բիզնես ոճի սիրահարները վարդագույնը առավոտյան համադրեն սպիտակ վերնաշապիկի, իսկ երեկոյան քրոփ-թոփի և հավելյալ արտահայտիչ զարդերի հետ: Մինիմալիզմի սիրահարները չպետք է վախենան վարդագույնից:
«Dolce & Gabbana» հավաքածուն ունի ուղիղ կտրվածքով լակոնիկ զգեստներ՝ վարդագույնի ամենանուրբ երանգով, շատ նուրբ և արիստոկրատ։ Ավելի համարձակ լուծումների համար «Balmain» ֆրանսիական ապրանքանիշն է տարբերակներ առաջարկում, իսկ «Olivier Rousteing»-ն անփոփոխ է՝ կրկին ակցենտը դնելով ամուր ուրվագծի և սաղմոնի երանգի վրա:
Սև սմոքինգ
Դասական սև սմոքինգը, որն առաջին անգամ նախագծել է Իվ Սեն Լորանը 1966թվականին, անկասկած, հաղթող տարբերակ կլինի Վալենտինի օրը նշելու համար: Այդ ժամանակվանից անցել է գրեթե 60 տարի, բայց Le Smoking-ի լուրջ, բայց միևնույն ժամանակ զգայական էսթետիկայի ժողովրդականությունն միայն աճում է:
Կոստյումը երեկոյան կարող եք համադրել ադամանդի, իսկ օրվա առաջին կեսին՝ ջինսերի կամ լեգինսների հետ:
Հանգստություն
Սիրո օրը կարող եք նշել ոչ միայն ռեստորանում շքեղ ընթրիքի շուրջ, այլ նաև տանը՝ ռոմանտիկ միջավայրում: Այս դեպքում լավագույն ընտրությունն են տրիկոտաժից պատրաստված նրբագեղ հավաքածուները, որոնք ամենաթեժ թրենդների ցանկում են արդեն 2 տարի:
Տրիկոտաժը հեշտ համադրվում է թե՛ գործվածքների, թե՛ ջինսե հագուստի և թե՛ այլ տրիկոտաժե հագուստի հետ:
Օրինակ՝ «Saint Laurent»-ի կարդիգանները զարդարված են լրացնող ոսկեզօծ էլեմենտներով, իսկ «Polo Ralph Lauren»-ը կրկին զարդարում է սվիտերները՝ նախապատմական ոճի լավագույն խորհրդանիշ դարձած ավանդույթներով: