Հարավային Կալիֆորնիայում ռեկորդային տապի և երաշտի հետևանքով խոշոր անտառային հրդեհներ են բռնկվել։ Այս մասին հայտնում է The Washington Post-ը։ Հրդեհներից մեկը բռնկվել է Լագունա Բիչում, հրդեհները տարածվել են նաև Լոս Անջելեսի շրջանում։ Ուժեղ քամին նպաստում է հրդեհների տարածմանը։
Հրդեհը տարածվել է մոտ 60 հա տարածքի վրա։ Հրդեհի հետևանքով երկու տուն է այրվել։ Անտառային հրդեհների մարման աշխատանքներում ներգրավված է ավելի քան 200 հրշեջ։ Շոգ և չոր եղանակը Կալիֆորնիայում կպահպանվի նաև հաջորդ ամիս, ինչը կհանգեցնի ավելի լուրջ հրդեհների: