Վերջին շրջանում Եղիսաբեթ II թագուհին հազվադեպ է անձնական հանդիպումներ ունենում և հայտնվում հանրության առաջ։ Իր գահակալության պլատինե հոբելյանի տոնակատարության ժամանակ (Նորին Մեծությունը թագավորական գահին է արդեն 70 տարի) նա ներկա է եղել միայն մի քանի հանդիսավոր միջոցառումների, իսկ մնացած ժամանակ գերադասել է մնալ ամրոցում։
Պատմության մեջ ամենաերկար կառավարող միապետներից մեկի առողջական վիճակը սկսել է վատթարանալ անցյալ աշնանը: Եվ հիմա, հոգատար մարդկանց և թագուհու երկրպագուների ուշադրությունը սևեռված է նրա յուրաքանչյուր ելքին:
Նորին Մեծությունը նախօրեին՝ երկար ժամանակ անց, առաջին անգամ որոշել է անցկացնել անձնական հանդիպում։ Եղիսաբեթ II թագուհին Վինձորի ամրոցում ընդունել է Քենթերբերիի արքեպիսկոպոս Ջասթին Ուելբիին։ Նա թագուհուն նվիրել է Քենթերբերիի խաչը՝ ավելի քան 70 տարի Անգլիկան եկեղեցուն մատուցած ծառայության համար:
Այդ առթիվ թագուհին ընտրել էր շատ նուրբ ու էլեգանտ տեսք։ Եղիսաբեթ 2-րդը վարդերով սպիտակ զգեստ է կրել։
Ի դեպ, վերջերս թագավորական աղբյուրները հայտնել են, որ Նորին Մեծությունն ամրոցում չի շարժվում առանց սայլակի օգնության։ Եվ թագուհին ինքն է որոշել կատակել այս մասին։
«Ինչպես տեսնում եք, ես կարող եմ նույնիսկ շարժվել»,- ասել է նա:
