Դիլիջանից դեպի Իջևան տանող ճանապարհին միշտ կարելի է նկատել դեպի Հովք գյուղ տանող թեք ճանապարհը։ Շատերը աջ ու ձախ են նայում բայց չեն գտնում գյուղը, քանի որ այն թաքնված է ժայռերի արանքում, սակայն հերիք է այդ ճանապարհով վեր բարձրանաս և կտեսնես բնության ու մարդու ստեղծագործությունների համադրությունը՝ Քարի լիճը։
Ժիրայր Մելիքսեթյանին Հայաստանում շատերն են ճանաչում, սակայն քչերը գիտեն թե ի՞նչ է ստեղծել նա։ Տարիներ առաջ երբ պատմում էր ընկերներին թե ինչպես է պատրաստվում քանդել քարը և տեղը լիճ ստեղծել, նրանք ոչ միայն չէին հավատում , այլև քմծիծաղով էին վերաբերվում, սակայն այսօր՝ երբեմնի թերահավատորեն ընդունված մտքերը նա կարողացել է կյանքի կոչել։
Ժայռերի արանքում ծփում է Քարի լիճը, որի մեջ արդեն հասցրել է բազմացնել տարբեր ձկնատեսակներ։
Լճի շուրջը հանգստյան գոտի է, մարդիկ հանգստանալու են գալիոս ոչ միայն Տավուշի մարզից այլև Երևանից և նույնիսկ արտասահմանից։
