Airbnb-ն առաջարկում է մեկ տարի անվճար կացություն սիցիլիական Սամբուկա համայնքի տանը: Ակցիան գործում է «Տուն 1 եվրոյի դիմաց» ծրագրի շրջանակում, որի օգնությամբ բնակավայրի վարչակազմը ցանկանում է նոր բնակիչներ ու զբոսաշրջիկներ ներգրավել կղզի։ Այս մասին հայտնում է Hypebae-ն։
Թեկնածուների համար կան մի քանի պահանջներ. նրանք պետք է լինեն 18 տարեկանից բարձր և խոսեն անգլերեն: Իտալերենի իմացությունն առավելություն է։ Կարող եք ապրել գործընկերոջ, ընկերոջ կամ ընտանիքի հետ:
Նվազագույն ժամկետեը 3 ամիս է:
Տան նախագծման համար պատասխանատու է Studio Didea ճարտարապետական բյուրոն: Առաջին հարկում գլխավոր ննջասենյակն է սանհանգույցով և փոքրիկ հյուրասենյակով։ Երկրորդում տեղադրված է ևս մեկ հյուրասենյակ, խոհանոց, աշխատասենյակ, սանհանգույց և ննջասենյակ՝ նախատեսված հյուրերի համար: Երրորդ հարկն աբողջությամբ հյուրասենյակ է՝ ծալովի մեծ բազմոցով:
