Գերմանական Mercedes-Benz ավտոարտադրողը հետ է կանչում մոտ մեկ միլիոն հին ավտոմեքենա ամբողջ աշխարհից՝ արգելակման համակարգի հետ կապված հնարավոր խնդիրների պատճառով:
Ընկերությունը հայտարարել է, որ շաբաթվա վերջին կապ կհաստատի մեքենաների սեփականատերերի հետ, քանի որ նրանց արգելակների վրա կարող է ազդել «կոռոզիան»:
Հետկանչը վերաբերում է ընդհանուր առմամբ 993 407 ավտոմեքենայի, այդ թվում 70 000-ը՝ հենց Գերմանիայից:
Անցյալ տարի Mercedes-ը հետ է կանչել նույնքան ավտոմեքենա՝ շտապ կանչի համակարգի անվտանգության հետ կապված խնդիրների պատճառով:
Ընկերությունը հայտնել է, որ վերջին հետկանչի ենթակա մեքենաները ստեղծվել են 2004-ից 2015 թվականներին, պատկանում են ML և GL ամենագնացների շարքին ու R դասի շքեղ մինիվեններին:
