Ամերիկահայ Նուբար Աֆեյանի Moderna ընկերությունը սկսել է կապիկի ծաղկի դեմ պատվաստանյութերի նախակլինիկական փորձարկումներն ԱՄՆ-ում և Եվրոպայում հիվանդության տարածման ֆոնին: Այդ մասին հայտնում է Reuters-ը։
Վիրուսով վարակվածությունն այն երկրներից դուրս, որտեղ դա սովորաբար տարածվում է՝ Արևմտյան և Կենտրոնական Աֆրիկայում, առաջին անգամ գրանցվել է մայիսի 7-ին: Այդ ժամանակից ի վեր, ըստ Առողջապահության համաշխարհային կազմակերպության տվյալների, աշխարհում գրանցվել է վարակի 131 հաստատված դեպք։
ԱՄՆ-ի Հիվանդությունների վերահսկման և կանխարգելման կենտրոնը հայտնել է, որ կառավարությունը գտնվում է Jynneos ծաղկի դեմ պատվաստանյութի չափաբաժինների թողարկման գործընթացում, որն արտադրել է Bavarian Nordic A/S-ը` կապիկների ծաղկի դեպքում օգտագործելու համար:
