Մոսկովյան բորսայում՝ ֆոնդային շուկայի հատվածում, սակարկությունները չեն վերսկսվի նաև մարտի 3-ին։ Այս մասին որոշումը կայացրել է Ռուսաստանի բանկը, ասվում է կարգավորիչի կայքում։
Նաև գործարքներ չեն լինի ֆյուչերսային բորսայում (երբեմն՝ դերիվատիվների բորսա)։ Մարտի 4-ին բորսայի հնարավոր աշխատանքի մասին ՌԴ բանկը կհայտարարի նույն օրն առավոտյան։
Մոսկովյան բորսայի շրջանակում ֆոնդային և ֆյուչերսային շուկաների հատվածներում առևտուր չի իրականացվում փետրվարի 28-ից՝ Ռուսաստանի դեմ արևմտյան երկրների պատժամիջոցների, ինչպես նաև ֆինանսական շուկայի կայունությանն աջակցելու Կենտրոնական բանկի ձեռնարկած միջոցառումների ֆոնին՝ նշում է «Ինտերֆաքս»-ը։
Արժութային շուկայում առևտուրը տեղի է ունենում միայն ցերեկվա ընթացքում։