Այսօր Մոնակոյում մեկնարկել է Sportel Monaco 2021 էքսպոն, որին մասնակցում են նաև հայաստանյան Vivaro Media և FeedConstruct ընկերությունները: FeedConstruct-ը հանդիսանում է նաև Sportel-ի հովանավորը: Առաջին անգամ Vivaro Media-ն Մոնակոյում ներկայացավ առանձին տաղավարով՝ գործընկերներին և այցելուներին ներկայացնելով առաջին հայկական մարզական հեռուստաալիքները և օնլայն հարթակը:
Ալբերտ Երկրորդի բարձր հովանու ներքո անցկացվող SPORTEL Monaco միջազգային ցուցահանդեսը բացառիկ իրադարձություն է, որը միավորում է սպորտային լրատվամիջոցներին, հեռարձակողներին և ժամանակակից լավագույն տեխնոլոգիական լուծումներն առաջարկող ընկերություններին՝ համագործակցության նոր հնարավորություններ ստեղծելու և համատեղ աշխատանքի համար:
Էքսպոն կշարունակվի մինչև հոկտեմբերի 7-ը: