Apple-ը մարտի 8-ին ներկայացրել է նոր iPhone SE-ն, որի բազային տարբերակն առաջարկում է 64 ԳԲ հիշողություն։ Android Authority պորտալը հարցում է անցկացրել ընթերցողների շրջանում, որի ընթացքում պարզվել է, որ մեծամասնության համար նորույթի նվազագույն հիշողությունն անընդունելի է։

Հարցվածների գրեթե 44%-ը կտրականապես դեմ է ժամանակակից սմարթֆոնների 64 ԳԲ հիշողությանը։ Այն կարող է բավարար չլինել գաջեթը լիարժեք օգտագործելու համար՝ հաշվի առնելով, որ սմարթֆոնն առաջարկում է նկարահանումներ 4K լուծաչափով 60 կադր/վրկ արագությամբ։

Հարցվածների 22%-ից պակասը հայտնել է, որ 64 ԳԲ հիշողությունը բավարար կլինի այն դեպքում, եթե սմարթֆոնը microSD քարտերի միջոցով աջակցի հիշողության ընդլայնմանը:  Այս դեպքում համակարգի ֆայլերը կպահվեն սարքի հիշողության մեջ, մինչդեռ նկարահանված լուսանկարներն ու տեսանյութերը կպահվեն microSD քարտում:

34%-ը նշել է, որ իրենց համար բավարար է 64 ԳԲ ֆիքսված հիշողությունը։