Գերմանական ապրանքանիշը փորձարկում է քրոսովերի էլեկտրական տարբերակը:
Volkswagen Tiguan-ը՝ բրենդի ամենահայտնի քրոսովերներից մեկը ոչ միայն Ռուսաստանում, այլեւ Եվրոպայում, պատրաստվում է սերնդափոխության։ Carscoops-ի տրամադրության տակ են հայտնվել Ալպերում նորույթի փորձարկումների ժամանակ արված լուսանկարները։ Volkswagen-ը փորձարկում է Tiguan-ի էլեկտրական մոդիֆիկացիան: Մի քանի տարի առաջ ենթադրվում էր, որ հաջորդ՝ երրորդ սերնդի Tiguan-ը կարող է արմատապես փոխվել:
:no_upscale()/imgs/2022/06/14/12/5450007/b32f616aa5514b7c8323015194d452d11b29bcbb.jpg)
Առայժմ Volkswagen-ը գտնվում է փորձարկման սկզբնական փուլում, երբ գործածվում է ներկա սերնդի մոդելի կորպուսը՝ որոշ փոփոխություններով: Այս դեպքում փոխվել է մեքենայի դիմային մասը՝ ռադիատորի վանդակաճաղի անցքը փակվել է բավականին կոպիտ խցանով։
:no_upscale()/imgs/2022/06/14/12/5450011/4445366afad8de69c3724c6489c1156ad4042c50.jpg)
Շարժիչի մասին տեղեկություններ չկան, թեև ութերորդ սերնդի Golf-ի ագրեգատները նախկինում նախատեսվում էին նորույթի համար։ Դրանով հանդերձ, Carscoops-ը ենթադրում է, որ Volkswagen-ը կառաջարկի «երրորդ» Tiguan-ը՝ և՛ էլեկտրիֆիկացված, և՛ ամբողջովին էլեկտրական տարբերակով:
Նորույթի դեբյուտը տեղի կունենա 2024 թվականից ոչ շուտ, իսկ պաշտոնական տեղեկության առաջին մասը կարելի է սպասել արդեն 2023 թվականին։
:no_upscale()/imgs/2022/06/14/12/5450012/57248c0e6452cec5fab4964a94ae66aab7f72134.jpg)
Ներկա երկրորդ սերնդի Tiguan-ի դեբյուտը տեղի է ունեցել գրեթե յոթ տարի առաջ, իսկ 2020 թվականին այն ենթարկվեց պլանային թարմացման: Ռուսական շուկայի համար նախատեսված տարբերակը մինչև այս տարվա գարուն արտադրվում էր Կալուգայի շրջանի Volkswagen-ի գործարանում, սակայն վերջին մի քանի ամիսների ընթացքում ընկերությունը անորոշ ժամանակով անգործության է մատնված:
