Գտածոները մոտ 700 տարեկան են։
2019 թվականին բռնկված հրդեհից հետո Փարիզի Աստվածամոր տաճարը վերակառուցելիս հնագետները հայտնաբերել են 14-րդ դարի դամբարաններ և կապարե սարկոֆագ: Այդ մասին գրում է The Guardian-ը։
Շենքի կենտրոնական մասում գտնվող տաճարի գագաթը վերականգնելու նախապատրաստական աշխատանքների ժամանակ հատակի տակ պատահաբար գերեզմաններ են հայտնաբերվել։
Կապարի սարկոֆագը, որն ուրվագծում է տղամարդու, ենթադրաբար պատրաստվել է ազդեցիկ պաշտոնյայի համար 1300-ականներին՝ տաճարի կառուցումից մեկ դար անց: Սարկոֆագը հիանալի պահպանված է, բայց դեֆորմացված է հողի ու քարերի ծանրությունից։
Մինի-էնդոսկոպիկ տեսախցիկի միջոցով հնագետներն արդեն ներս են թափանցել և գտել կտորի կտորներ, մազեր և տերևներով բարձ, ինչը կարող է վկայել, որ հնարավոր է՝ կրոնական առաջնորդներից մեկի ննջավայրն է:
Փաստը, որ այդ օրգանական տարրերը դեռ ներսում են, հուշում է՝ մարմինը կարող է լավ վիճակում լինել, նշել են գիտնականները։
Դամբարաններից բացի, հատակի ներկա մակարդակի տակ հայտնաբերվել են մորուքավոր տղամարդու կիսանդրի և քանդակների տարրեր, որոնք 13-րդ դարի տաճարի միջնորմի մասեր են:
Չնայած նման գտածոների կարևորությանը, հնագետների համար ժամանակը կանգ չի առել: Նրանց ժամկետ է տրվել մինչև մարտի 25-ը՝ ավարտելու աշխատանքները մինչև վերականգնման ծրագրի վերսկսումը, որպեսզի հասցնեն տաճարն ամբողջությամբ վերականգնել մինչև 2024 թվականը։