Ռուսաստանաբնակ ռեժիսոր Սարիկ Անդրեասյանը նախատեսում է Մոսկվայում ռեստորան բացել բանտի թեմատիկայով, ինչպես «Ресторан по понятиям» ֆիլմում էր։ Այս մասին հայտնել են սերիալի պրոդյուսերներ Սարիկ և Ղևոնդ Անդրեասյանները։
«Կարծում եմ, որ ռեստորանը կլինի ժողովրդական և թեմատիկ, այնպիսին, ինչպիսին սերիալն է: Յուրաքանչյուր ոք կարող է իրեն թույլ տալ երգիծական տարրով սուզվել այս մթնոլորտում, ընթրել նման վայրում կամ կազմակերպել կորպորատիվ երեկույթ»,- մեկնաբանել է Սարիկ Անդրեասյանը։
«Հաճախորդներին կտրվի երկու տեսակի ծառայության ընտրություն. ամեն դեպքում մենք կպահպանենք իսկությունը, գուցե նույնիսկ թեթևակի անքաղաքավարության և հումորի միքս թույլ տանք, որպեսզի այցելուները, այնուամենայնիվ, քննարկելու բան ունենան»,- հավելել է ռեժիսորը։
«Սերիալային ռեստորանի ինտերիերը և ճաշացանկը կմնան նույնը։ Կունենանք սուրհանդակային առաքում։ Ավելին, առաքիչները կլինեն խալաթներով»,- եզրափակել է Սարիկ Անդրեասյանը։
