Ամեն աշխատանքային առավոտ` ժամը 08:00-ին, Vivaro Sports հեռուստաալիքի 8:0 հաղորդման շրջանակում ձեզ կողջունեն սպորտի մեծ սիրահարներ Արամ Սահակյանն ու Ալբերտ Հարությունյանը, Արամ Խաչեյանն ու Համլետ Մաթևոսյանը և կքննարկեն նախորդ օրվա սպորտային ամենաթեժ ու թարմ իրադարձությունները:
8:0-ն թեթև և անմիջական սպորտային բովանդակությամբ Infotainment ձևաչափի հաղորդում է, այսինքն` ինֆորմացիոն հաղորդման և entertainment ձևաչափի միքս:
Այս առիթով VNews.am-ը զրուցել է հաղորդման մեկնաբան Արամ Սահակյանի հետ:
«Սա հրաշալի հնարավորություն է թե՛ սպորտի սիրահարների, թե՛ պարզապես սովորական հեռուստադիտողի համար, որոնք առավոտյան ժամը 08:00-ին ցանկանում են ոչ թե չոր լրատվական տեղեկատվություն, այլ օրվա սկիզբն ազդարարող թեթև և անմիջական զրույց-քննարկում» - մեկնաբանել է Արամ Սահակյանը:
Ի տարբերություն ամբողջապես ինֆորմացիոն հաղորդումների, որոնցից են լուրերը, այս հաղորդման մեկնաբանները նախորդ օրվա ամենաթարմ իրադարձությունները ներկայացնում են սուբյեկտիվորեն՝ արտահայտելով սեփական կարծիքը և վերլուծելով այս կամ այն իրադարձությունը:
Հաղորդումն ուղիղ եթերում է շաբաթական 5 օր, առավոտյան ժամը 08:00-ին, 1 ժամ 45ր տևողությամբ: Տաղավարում ժամանակ առ ժամանակ լինում են հյուրեր, տեղի են ունենում թեժ սպորտային քննարկումներ և վերլուծություններ:
Հաղորդումը տարբերվում է նաև իր անիմացիոն վիզուալ հագեցվածությամբ:
