fbpx

«Ոսկե արծաթները». Արտերկրում հաջողության հասած արգենտինացիների խորհրդանշական հավաքականը

Արգենտինայի ազգային հավաքականի առաջատար հարձակվողներից մեկը՝ Սերխիո Ագուերոն նախօրեին հասավ հերթական նվաճմանը: Այս անգան Կունը դարձավ Անգլիայի առաջնության պատմության երրորդ ֆուտբոլիստը, որին հաջողվել է 150 և ավելի գնդակ խփել մեկ ակումբի կազմում: Ագուերոյից շատ Անգլիայում գոլ խփել են միայն Անրին ու Ռունին:

Առհասարակ, Ագուերոն հանդիսանում է այն եզակի իսպանախոս լատինամերիկացի ֆուտբոլիստներից է, որը հաջողության է հասնում Անգլիայում: Ադապտացիայի տեսանկյունից նրանք ունեն ամենամեծ խնդիրը: Միևնույն ժամանակ հենց լատինամերիկացիներն ու հատկապես արգենտինացիներն են բոմբել Եվրոպայում: Հենց նրանց ջանքերով են թոփ թիմերը հաղթել բոլոր մրցաշարերում: Այս առիթով VNews.am-ը կազմել է այդ խաղացողներից բաղկացած խորհրդանշական հավաքական:

1. Սերխիո Ռոմերո – «Մանչեսթեր Յունայթեդ»

Արգենտինայի հավաքականի երկրպագուները «դարապսապահ» բառը լսելիս տեղից վեր են թռչում: Այս դիրքը 1994 թվականից հետո, երբ ձեռնոցները մեխից կախեց Սերխիո Գոյկոչեան, ամենախնդրահարույցն էր: Ունենալով թոփ թիմ, արգենտինացիները միշտ պարտվում էին ցածրակարգ դարպասապահի պատճառով: Որքան էլ հարգանք ունենանք Բուրգոսի, Ադոնդանսիերիի, Կավալյերոյի, Բոնանոյի ու մոտ 1 տասնյակ դարպասապահների նկատմամբ, նրանք լավագույն դեպքում միջին կարգի դարպասապահներ են: Վերջին սերնդից լավագույնը Սերխիո Ռոմերոն է:

Այո, «Մանչեսթեր Յունայթեդի» դարպասապահը ոչ միշտ է խաղում իր թիմի կազմում («ոչ միշտն» այս պարագայում լրջագույն հաճոյախոսություն է),  բայց հենց ընդունում է Արգենտինայի հավաքականի հրավերը, վերադառնում են ստաբիլությունն ու վստահությունը: Ռոմերոն «կարմիր սատատաների» հետ արդեն նվաճել է 4 տիտղոս, իսկ Արգենտինայի հետ դարձել է Օլիմպիական չեմպիոն:

2. Խավիեր Մասկերանո – «Բարսելոնա»

Թեպետ այս պահին Խավիեր Մասկերանոն «տանջվում է» «Հեբայ Չայնա Ֆորչունում», բայց իր կարիերայի առյուծի բաժինն անցկացրել է հին մայրցամաքում: Նրա տեղափոխությունը Հարավային Ամերիկայից Եվրոպա մեծ աղմուկ հանեց: Իսկ որտեղ աղմուկ կա՝ փնտրեք հայերի: Կարճ ժամանակ «Վեսթ Հեմում» հանդես գալուց հետո՝ Մասկերանոն հայտնվեց «Լիվերպուլում», որն էլ դարձավ հարթակ  դեպի «Բարսելոնա»:

Արգենտինացի ունիվերսալը դարձավ կատալոնական ակումբի համար իսկական հայտնագործություն ու փրկություն: Մասկերանոն անհրաժեշտության դեպքում հանդես էր գալիս ինչպես կենտրոնական պաշտպանի, այնպես էլ հենակետային կիսապաշտպանի դիրքում: Իսպանացի շատ մասնագետներ պնդում են, որ Մեսի-Չավի-Ինիեստա տանդեմի պատճառով խամրել է Մասկերանոյի փայլը: Այն առավել արտահայտիչ է եղել հատկապես աշխարհի 2014 թվականի առաջնության ժամանակ: Մի շարք մասնագետներ պնդում են, որ եթե Մասկերանոն չլիներ, «ալբիսելեստեն» եզրափակիչին անգամ մոտ կանգնած չէր լինի:

3. Ռոբերտո Այալա – «Վալենսիա»

Ռոֆերտո Ֆաբիան Այալան իր հայրենիքում համարվում է բոլոր ժամանակների լավագույն կենտրոնական պաշտպաններից մեկը: Դրանում մենք առավել քան համոզվեցինք ԱԱ-2018-ի ժամանակ, երբ ԶԼՄ-ների գոտում իր ներկայությամբ Այալան իսկական ֆուրոր առաջացրեց արգենտինացի լրագրողների շրջանում:

Ռոբերտո Այալա. «Բատիստուտան ավելին էր կարողանում տալ թիմին, քան Ագուերոն և Հիգուաինը»

Այալան 90-ականների կեսերին տեղափոխվեց Եվրոպա: «Միալանում» թեպետ նվաճվեց Սկուդետոն, սակայն ստաբիլ խաղ չկար: «Վալենսիայից» եկած առաջարկը արգենտինացին ընդունեց առանց վարանելու ու անմիջապես դարձավ ակումբի խորհրդանիշը: Նրա փայլուն խաղի շնորհիվ «Վալենսիան» հասավ ՉԼ եզրափակիչ, հաղթեց Իսպանիայի առաջնությունում, ինչպես նաև հաղթեց ՈւԵՖԱ-ի Գավաթի խաղարկությունում: Եվ այդ բոլոր մրցաշարերում Այալան դարձել է խորհրդանշական հավաքականի անդամ:

Հետևե՛ք VNews.am-ին նաև Youtube-ում և Instagram-ում:

1 2 3 4

Լիոնել Մեսին՝ «Ոսկե խաղակոշիկի» դափնեկիր

ՊՍԺ-ն պարտությամբ ավարտեց Ֆրանսիայի առաջնությունը (տեսանյութ)

Մեսին 1՝ շատ դիպուկ նախադասությամբ ամփոփել է «Լիվերպուլի» հետ պատասխան խաղը

«Ռեալը» զարմանք է արտահայտել Պոչետինոյի խոսքերի վերաբերյալ

Ալեգրին՝ երկրպագուին․ «Նոր մարզիչը կլինի Մանչեսթերից»

Մեսի․ «Չէի խոստացել, թե հաղթելու ենք Չեմպիոնների լիգայում»

Ալվեշ. «Ուրախ եմ, որ խուսափեցի «Ռեալ» տեղափոխվելու մղձավանջից ու ընտրեցի «Բարսելոնան»

#Գոլային_օրացույց_19. Ո՞վ է մայիսի 24-ի լավագույնը գոլի հեղինակը (լուսանկար, տեսանյութ)

Անգլիական գրանդը կապ է հաստատել Գրիզմանի հետ

4 առաջարկ, որ արդեն դրված է Ռամոսի սեղանին

Սանեն մոտ է Գերմանիա վերադառնալուն

El Chiringuito. Սերխիո Ռամոսը մտադիր է հեռանալ «Ռեալից»

Ալվեսը պատրաստ է գրազ գալ Էյֆելյան աշտարակի վրա, որ Նեյմարը չի հեռանա ՊՍԺ-ից

«Բարսելոնայի» 9 ֆուտբոլիստի համար «Վալենսիայի» դեմ խաղը կարող է վերջինը լինել

Գվարդիոլան «Մանչեսթեր Սիթիի» ղեկավարներին խնդրել է 3 ֆուտբոլիստի ձեռք բերել

Ռոբենը պատմել է, թե իրականում ինչն է դարձել «Ռեալից» հեռանալու պատճառը