«Ոսկե խաղակոշիկ». Եվրոպայի լավագույն ռմբարկուներն այս պահին

VNews.am-ը ներկայացնում է Եվրոպայի լավագույն ռմբարկուների տասնյակը:

2019/20 մրցաշրջանը եվրոպական ֆուտբոլում աստիճանաբար մոտենում է ավարտին: Ֆրանսիայի առաջնությունը դեռ կորոնավիրուսի դադարից հետո այլևս չվերսկսեց ու ավարտվեց, արդեն ավարտվել են Բունդեսլիգան ու Լա լիգան, ավարտվեց նաև Պրեմիեր լիգան: Միակ առաջնությունը, որտեղ պայքարը շարունակվում է՝ Ա սերիան է, որի ավարտին դեռ 2 տուր կա:

Ա սերիայի գլխավոր ինտրիգներից մեկը լավագույն ռմբարկուի հարցն է, որտեղ ոչ միայն կորոշվի Ա սերիայի, այլ նաև եվրոպական թոփ առաջնությունների լավագույն ռմբարկուն՝ «Ոսկե խաղակոշիկի» դափնեկիրը: Իտալիայի առաջնության 36-րդ տուրում Կրիշտիանու Ռոնալդուն ու Չիրո Իմոբիլեն հերթական գոլերը խփեցին. «Լացիոյի» հարձակվողը շատ մեծ քայլ կատարեց՝ դառնալով հեթ-տրիկի հեղինակ ու խփած 34 գոլով հավասարվելով Ռոբերտ Լևանդովսկուն:

Ընդգծենք, որ նորվեգացի  հարձակվող Էրլինդ Հալանդի «Զալցբուրգում» հեղինակած գոլերը հաշված է 1.5 գործակցով, իսկ դորտմունդյան ակումբի մարզաշապիկով խփված գնդակները՝ 2:

Դիրք	Ֆուտբոլիստ	Երկիր	Ակումբ	Գոլ	Գործակից	Միավոր
1	Ռոբերտ Լևանդովսկի			34	2	68
2	Չիրո Իմոբիլե			34	2	68
3	Կրիշտիանու Ռոնալդու			31	2	62
4	Տիմո Վերներ			28	2	56
5	Լիոնել Մեսի			25	2	50
6	Էրլինգ Հալանդ			29	1.5/2	50
7	Ջեյմի Վարդի			23	2	46
8	Ռոմելու Լուկակու			23	2	46
9	Ժան Պիեր Նսամե			30	1.5	45
10	Շոն Վեյսմեն			30	1.5	45

Թարմացված է առ 27.07.2020

Միացի՛ր հայկական ամենասպորտային Instagram-ին: