«Ու հնչեց զանգը, հնչեց...». 2019-ի 10 գլխավոր հրաժեշտները ֆուտբոլում - VNews
Բաժիններ

«Ու հնչեց զանգը, հնչեց…». 2019-ի 10 գլխավոր հրաժեշտները ֆուտբոլում

Մարզասերների համար ոչինչ ավելի ցավալի չէ, քան կուռքի հեռանալը մեծ սպորտից։ Բանական մարդը երբեք ողբ չի կապի այս կամ այն մարզիկի՝ կարիերան ավարտելու դեպքում։ Սակայն, կներեք, բանական մարդն ու ֆանատը (երկրպագուն) տարբեր երևույթներ են։ Ֆանատի համար սիրելի մարզիկի հանդիպումը չդիտելը ես կորակեմ, գուցե, շատ կտրուկ, բայց համենայն դեպս շատ մոտ․ առավոտ արթնանալ ու այլևս Արարատը չտեսնել։

Մի շտապեք բուռն արձագանքել՝ հավատացնելով, որ կուռքերը գալիս ու գնում են, բայց Արարատը միշտ նույն տեղում է։ Փորձեք դա բացատրել, օրինակ, Ռոջեր Ֆեդերերի կամ Լիոնել Մեսիի երկրպագուներին։ Անօգուտ է։ Ու սխալ է։ Ֆանատին հակառակում համոզելը ճիշտ բան չէ։ Բայց քանի դեռ նրանք չեն ավարտել իրենց կարիերան, հիշենք նրանց, ովքեր այլևս չեն ուրախացնում մեզ ու իրենց երկրպագուներին խաղադաշտում և պարզապես սատար կանգնենք։

1․ Չավի

Իսպանիայի հավաքականի պրոֆեսորը, խաղադաշտ դուրս գալու առաջին իսկ օրից փայլել է իր հիասքանչ փոխանցումներով, խաղադաշտը տեսնելու բացառիկ ունակությամբ։ Տևական ժամանակ է պահանջվել նրանից խաղադաշտում իր ֆուտբոլային կեսին գտնելու համար։ Այդ ֆուտբոլային կեսը Անդրես Ինիեստան էր։ Նրանք միասին ավելի կատարյալ էին, քան Թվիքսի զույգը։ Ինիեստայի հետ Չավին վերածվեց ոչ միայն կատարյալ կիսապաշտպանի, այլ առհասարակ անխափան մեքենայի, որը երբեք չի սխալվում։

Բարսայից հեռանալու օրը Կամպ Նոու ստադիոնը, ֆուտբոլային Իսպանիան ու առհասարակ ֆուտբոլասեր հասարակությունը հասկացավ․ Քաթար հեռացող տարեց կիսապաշտպանը գնում է կարիերան ավարտելու։ Հրաժեշտի խաղում Չավին անսահման սեր խոստովանեց երկրպագուներին, որոնք մի քանի տարվա ընթացքում 2 անգամ հրաժեշտ տվեցին պրոֆեսորին։ Նախ Չավին հեռացավ Բարսայից, իսկ այս տարի խաղակոշիկները կախեց մեխից առհասարակ։ Իրողություն, որի հետ մենք պետք է համակերպվենք։

2․ Անդրեա Բարձալի

2006 թվականին Իտալիայի լեգենդար հավաքականի կազմում աշխարհի չեմպիոն հռչակված ֆուտբոլիստների շարքում եղել է Անդրեա Բարձալին։ 30 տարեկանում Բարձալին թեպետ անուն հանած պաշտպան էր, սակայն գործնականում միայն աշխարհի չեմպիոնի տիտղոսը ու Գերմանիայի ոսկե մեդալները բավարար չէին ։ Ուստի Յուվենտուսի 300 հազար եվրո արժեքով ծիծաղելի առաջարկը Բարձալին ընդունեց։ Ընդունեց ու դարձավ ակումբի խորհրդանիշներից մեկը։

Բարձալին տարիներ շարունակ Բոնուչիի ու Կիելինիի հետ անանցանելի պաշտպանության երեք սյուներից մեկն էր։ Վստահ եղեք՝ Իտալիայի ցանկացած բակում խաղացողներ ֆուտբոլիստների ճնշող մեծամասնությունը ցանկանում են դառնալ ոչ թե Բաջոներ ու դել Պիերոներ, այլ հենց Բարձալիներ ու Կիելինիներ, որովհետև իտալական ֆուտբոլի հիմքը պաշտպանությունն է։ Ուստի՝ Անդրեա Բարձալիի հեռանալը, կարելի է ասել, մեծ ողբերգություն էր իտալական ֆուտբոլի համար։ Նրա նման պաշտպան այսօր Իտալիայում չկա ու դեռ երկար ժամանակ դժվար էլ լինի։

Միացի՛ր հայկական ամենասպորտային Instagram-ին:

1 2 3 4 5

Բերբատով․ «Լիվերպուլն» արժանի է Անգլիայի չեմպիոնի կոչմանը»

Ֆալկաոն կարող է տեղափոխվել Չավիի գլխավորած թիմ

Sky Sports-ը կազմել է ԱՊԼ-ի այս առաջնության խորհրդանշական հավաքականը

Ռայոլան ցանկանում է, որ Դե Լիխտը ելույթ ունենա «Ռեալում»

«Բավարիան» մարզումային նոր ծրագիր է մշակել

«Ռեալն» ու «Սիթին» կպայքարեն Քեյնի տրանսֆերի համար

Չավի․ «Ռոնալդուն, Ռոնալդինյոն ու Ռոնալդոն լավագույններից են, իսկ նա լավագույնն է»

Ով է աշխարհի լավագույն հարձակվողը․ Գյունդողանի ընտրությունը

Վան դե Բեկը գնահատել է «Ռեալ» տեղափոխվելու հնարավորությունը

ՊՍԺ-ն համաձայն է Գրիզմանի՝ Նեյմարի տրանսֆերային գործարքում ներառվելու տարբերակին

Կազեմիրո․ «Հիմա գլխավորը ոչ թե Լա Լիգայում կամ ՉԼ-ում, այլ կորոնավիրուսի դեմ պայքարում հաղթելն է»

«Բարսելոնան» առաջարկել է վճարել «Էսպանյոլի» որոշ անդամների աշխատավարձերը

Դարիո Սրնան՝ «Բարսելոնային» մերժելու մասին․ «Ես ուղղակի չէի կարող թողնել «Շախտյորը»

«Բարսելոնայի» խոստումը Նեյմարին «Ռեալ» չտեղափոխվելու դիմաց

#OpenDoorChallenge․ «Հոֆենհայմը» ներկայացրել է Ադամյանի գոլը (տեսանյութ)

Հաքիմիի գործակալը հերքել է այն լուրը, թե Աշրաֆը նոր պայմանագիր է կնքել «Ռեալի» հետ