Ուեյն Ռունի. «Նա լավագույն մարզիչն է, ում հետ երբևէ աշխատել եմ»

«Մանչեսթեր Յունայթեդի» նախկին հարձակվող Ուեյն Ռունին հայտարարել է, որ Լուի վան Գալը լավագույն մարզիչն է, ում հետ անգլիացի ֆուտբոլիստը երբևէ աշխատել է: Այս հայտարարությունը քննարկումների առիթ է տվել՝ հաշվի առնելով Ալեքս Ֆերգյուսոնի գործոնը:

«Վան գալը միանշանակ լավագույն մարզիչն է, ում հետ երբևէ աշխատել եմ: Սա կարող եմ ասել հարյուր տոկոսով: Պարզապես անհավանական են նրա մարտավարական գիտելիքները, նախապատրասման մեթոդներն ու ամենաչնչին նրբությունները հաշվի առնելը: Ես թվարկում եմ բաներ, որոնք մինչև նրան ճանաչելն իմ ուշադրությունը չեն գրավել:

Վան Գալը լավ է հասկանում, որ իր աշխատանքային մեթոդները ֆուտբոլիստների հետ բարդ են ընկալվում: Մենք քննարկել ենք միասին:

Ցավում եմ, որ մեր համագործակցությունը կարճ տևեց, սակայն մի բան հստակ կարող եմ ասել՝ երբ մարզիչ դառնամ, այն, ինչ սովորել եմ Վան Գալից, ինձ շատ կօգնի»,- The Mirror-ը փոխանցում է Ռունիի խոսքը:

Միացի՛ր հայկական ամենասպորտային Instagram-ին: