Երևանյան 5 խաղերով վերադառնում է VBET Հայաստանի Պրեմիեր լիգան․ Ամենաուշագրավ փաստերը՝ 8-րդ տուրին ընդառաջ - VNews
Բաժիններ

Երևանյան 5 խաղերով վերադառնում է VBET Հայաստանի Պրեմիեր լիգան․ Ամենաուշագրավ փաստերը՝ 8-րդ տուրին ընդառաջ

«ԱՐԱՐԱՏ-ԱՐՄԵՆԻԱ» – «ՇԻՐԱԿ»

17 հոկտեմբերի, ժ.16:00, Երևան, Ֆուտբոլի ակադեմիայի մարզադաշտ

8 խաղ, «Արարատ-Արմենիան» հաղթել է 3 անգամ, «Շիրակը»՝ 3, գրանցվել է 2 ոչ-ոքի, խփած և բաց թողած գոլերի հարաբերակցությունը՝ 8-7

«Արարատ-Արմենիա»՝ 9-րդ տեղ (2 միավոր), «Շիրակ»՝ 10-րդ տեղ (1 միավոր):

Հետաքրքիր 5 փաստ՝ հանդիպմանն ընդառաջ

1․ «Արարատ-Արմենիան» առայժմ անհաջող է հանդես գալիս առաջնությունում՝ անցկացրած 3 հանդիպումներում չվայելելով հաղթանակի բերկրանքը, վաստակելով ընդամենը 2 միավոր: Չեմպիոնի համար սա ամենաանհաջող մեկնարկն է առաջնությունում: Նախորդ մրցաշրջանում «Արարատ-Արմենիան» Վարդան Մինասյանի գլխավորությամբ մեկնարկել էր 3 անընդմեջ հաղթանակով: Իսկ 2018/19թթ. առաջնությունում Բարձրագույն խմբում նորամուտը նշել էր 3 հանդիպումներում նույնքան միավոր վաստակելով:

2․ «Շիրակում» տեղի ունեցած կադրային զգալի փոփոխությունները չէին կարող բացասաբար չանդրադառնալ թիմի ցուցանիշների վրա: Եթե առաջնության մեկնարկային տուրում գյումրեցիները լուրջ դիմադրություն ցույց տվեցին «Նոային»՝ խաղն ավարտելով գոլառատ ոչ-ոքի (2-2), ապա «Գանձասար-Կապանի» և «Արարատի» հետ հանդիպումներում 8 անպատասխան գնդակ ընդունեցին սեփական դարպասը և արդեն առաջնության մեկնարկից եզրափակում են մրցաշարային աղյուսակը:

3․ «Արարատ-Արմենիան» պաշտոնական վերջին հանդիպումն անցկացրել է հոկտեմբերի 1-ին՝ Կիպրոսում Եվրոպա լիգայի փլեյ-օֆֆում 1-2 հաշվով զիջելով սերբական «Ցրվենա Զվեզդային»:

«Շիրակը» պաշտոնական վերջին հանդիպումն անցկացրել է սեպտեմբերի 26-ին՝ առաջնության խաղում Գյումրիում 0-3 հաշվով զիջելով «Արարատին»:

4․ Նախորդ մրցաշրջանում մրցակիցների դիմակայությունում առավելության էր հասել «Շիրակը»՝ տոնելով 2 հաղթանակ, կրելով մեկ պարտություն: Ընդ որում մինչև 2-րդ շրջանի հանդիպումը, «Շիրակը» միակ թիմն էր, որի հետ մրցավեճում «Արարատ-Արմենիան» առաջնությունում միավոր չէր վաստակել: Մրցակիցների վերջին հանդիպումը կայացել է հունիսի 20-ին: Մրցակցության ելքը վճռել է Մորի Կոնեի խփած միակ գոլը:

5․ «Լոռիի» հետ կայացած առաջնության նախորդ խաղում «Արարատ-Արմենիան» իր առաջին հոբելյանը նշեց՝ խփելով Բարձրագույն խմբում 100-րդ գոլը, որի հեղինակը Յուսուֆ Օտուբանջոն էր: Իսկ գոլերի հաշիվն ընթացիկ առաջնությունում չեմպիոնը բացել էր Սերգեյ Վակուլենկոյի դիպուկ հարվածի շնորհիվ՝ խոցելով «Գանձասար-Կապանի» դարպասը:

Դիմակայության լավագույն ռմբարկուները՝

«Արարատ-Արմենիա»՝ Իվայլո Դիմիտրով՝ 2 գոլ:

«Շիրակ»՝ Մորի Կոնե՝ 2 գոլ:

Միացի՛ր հայկական ամենասպորտային Instagram-ին:

1 2 3 4 5

Արամ Քոչարյան. «Կոշտությունն ու կոպտությունը խաղի ընթացքից է գալիս, երևի հաղթանակի մեծ ցանկությունն էր պատճառը» (տեսանյութ)

Ալբերտ Սոլոմոնով. «Արարատը» այս պահին երևի ամենաբալանսավորված թիմն է» (տեսանյութ)

#ArtsakhStrong. Արաս Օզբիլիսի մարզաշապիկը վաճառվեց աճուրդում

«Նոայի» մարզչական շտաբը հեռացել է ակումբից

Բիչախչյանի գլխավորությամբ «Արարատին» էլ չհաջողվեց հաղթել «Լոռիին»

Վիտինյո․ «Մարզչի հանձնարարությունները կատարելու դեպքում կունենանք չեմպիոն դառնալու բոլոր հնարավորությունները» (տեսանյութ)

Ռուդիկ Մկրտչյան. «Սկսել ենք ավելի լավ հասկանալ իրար, դրա շնորհիվ է, որ աճ կա» (տեսանյութ)

Վասպուրակ Մինասյան․ «Պետք է կայունություն մտցնենք խաղի մեջ» (տեսանյութ)

Արմեն Պետրոսյան. «Նռանյանի վնասվածքը խառնեց մեր խաղաքարտերը» (տեսանյութ)

Արսեն Պետրոսյան. «Բոլորի թիմերի մոտ էլ դադարից հետո խաղի բարելավում է նկատվում» (տեսանյութ)

Տիգրան Դավթյան. «Խաղը սկսեցինք 5-4-1 մարտավարությամբ, հետո իրավիճակից ելնելով փոխեցինք և սրություն մտցրեցինք առջևի գծում» (տեսանյութ)

Սերգեյ Էրզրումյան. «Թերագնահատել էինք մրցակցին, գլխավոր մարզչի բացակայությունն էլ զգացնել տվեց» (տեսանյութ)

VBET Հայաստանի Պրեմիեր լիգա․ Օրվա 3 խաղերի բոլոր գոլերը (տեսանյութ)

Անդրանիկ Ոսկանյան․ «Ինչքան էլ դժվար է այս իրավիճակում, պետք է կենտրոնանանք և անենք մեր գործը» (տեսանյութ)

Արմեն Համբարձումյան․ «Բոլորս «վիզ դրեցինք» և հաղթեցինք այս խաղում» (տեսանյութ)

Սևադա Արզումանյան. «Հերթական «ափսոս» խաղը ստացվեց» (տեսանյութ)