«Ես ողջ եմ ու ցանկանում եմ շարունակել ապրել». Դիեգո Մարադոնայի ամենահետաքրքիր մտքերը - VNews
Բաժիններ

«Ես ողջ եմ ու ցանկանում եմ շարունակել ապրել». Դիեգո Մարադոնայի ամենահետաքրքիր մտքերը

Երեկ՝ նոյեմբերի 25-ը ֆուտբոլային օրացույցում նշվեց սև գույնով. մահացավ արգենտինական ֆուտբոլի լեգենդ Դիեգո Մարադոնան:

Առհասարակ, ֆուտբոլի պատմության լավագույն խաղացողներից մեկը լինելուց զատ՝ Մարադոնան նաև բացառիկ խարիզմատիկ կերպար էր, յուրահատուկ ու անկրկնելի անհատականություն, որ երբևէ տեսել է ֆուտբոլը. հաջողություններ, գավաթներ, գոլեր, փառք, բայց միևնույն ժամանակ նաև սկանդալներ, անախորժություններ, թմրանյութեր…

Մարադոնան չէր սիրում զսպել իրեն նաև խոսքի մեջ: Առանձնացրել ենք 10 համարի ամենաուշագրավ, համարձակ ու ինքնատիպ մտքերը:

Իր մասին

«Ես սև եմ կամ սպիտակ. ես երբեք չեմ լինի մոխրագույն»:

«Մայրս կարծում է, որ ես լավագույնն եմ: Ես մեծացել եմ՝ միշտ հավատալով նրան, ինչ ասում է մայրս»:

«Ես Մարադոնան եմ. խփում եմ գոլեր ու թույլ եմ տալիս սխալներ: Ես ունեմ այնքան քաջություն, որ վիճեմ բոլորի հետ»:

«Տեսնել գնդակն ու վազել նրա հետևից. դա այն է, ինչն ինձ դարձնում է ամենաերջանիկ մարդն աշխարհում»:

«Շատ բան կարող եք ասել իմ մասին, բայց երբեք չեք կարող ասել, որ ես ռիսկի չեմ դիմում»:

«Ես ունեմ միայն 2 օրինական երեխա՝ Ջիաննան ու Դալման: Մնացածը փողի ու սխալների արդյունք է»: 

Անգլիայի հավաքականին խփած ձեռքով գոլի մասին

«Եթե այդտեղ կար ձեռքով խաղ, ապա դա «Աստծո ձեռքն» էր»:

«Բոլորն են հիշում՝ ինչպես «Աստծո ձեռքը» մեզ չեպիոնություն բերեց 1986-ի աշխարհի առաջնությանը: Հիմա «Աստծո ձեռքը» մեզ բերել է արգենտինացի պապի»:

«Եթե կարողանայի ժամանակը հետ տալ, փոխել պատմությունն ու ներողություն խնդրել՝ կանեի դա, բայց գոլը գոլ է, Արգենտինան դարձավ աշխարհի չեմպիոն, ես էլ՝ աշխարհի լավագույն ֆուտբոլիստը»:

Արգենտինայի հավաքականի մասին

«Կյանքս կտամ՝ Արգենտինայի հավաքականը մարզելու համար»:

«Տեսնելը, թե ինչպես է պարտվում ազգային հավաքականդ, ամենաշատը ցավեցնում է հավաքականի մարզաշապիկը կրած մարդուն»:

«Երբ կրում եմ հավաքականի մարզաշապիկը, միայն նրա ու մաշկիս շփումը ստիպում է ինձ փշաքաղվել»:

Մեսիի մասին

«Ես արդեն գիտեմ, թե արգենտինական ֆուտբոլում ով է զբաղեցնելու իմ տեղը. նրա անունը Մեսի է: Լեոն հանճար է»:

«Մեսին գոլ է խփում ու նշում այն, իսկ երբ Ռոնալդուն է գոլ խփում, նա այնպիսի դիրք է ընդունում, կարծես շամպուն է գովազդում»:

Ներկա ֆուտբոլի մասին

«Հիմա ֆուտբոլն այն խաղը չէ, որը պետք է դիտի հանդիսատեսը, որին արժանի է երկրպագուն: Ու այդպես կլինի այնքան ժամանակ, մինչև ֆուտբոլը ղեկավարում են խաղից ոչինչ չհասկացող մարդիկ»:

«Ֆուտբոլում այժմ պարզ գործընթացներ չկան, և շատերն են ընդունում այդ իրականությունը»:

  • «Աշխարհում երբեք որևէ բանավեճ չի լինի, թե ով է եղել ֆուտբոլի պատմության լավագույն ֆուտբոլիստը՝ ես, թե Պելեն. բոլորը կասեն, որ ես եմ եղել»:
  • «Պելեն պետք է վերադառնա թանգարան»:
  • «Միշտ եղել, կամ ու կլինեմ թմրանյութից կախվածություն ունեցող մարդ»:
  • «Բեքհեմը լավ տղա է, բայց ընդամենը որակյալ ֆուտբոլիստ, ոչ ավելին. հիմա աշխարհում հարյուրավոր Բեքհեմներ են խաղում»:
  • «Եթե չեք ցանկանում մաքուր ֆուտբոլ խաղալ, ապա ձեր տեղը տրիբունայում է»:
  • «Ամբողջ ուժով ատում եմ այն ամենը, ինչ կապված է ԱՄՆ-ի հետ»:
  • «Մանչեսթերյան դերբին ավելի մեծ ու կարևոր է, քան Էլ Կլասիկոն»:
  • «Դժվար է բացատրել՝ ինչպես են Անգլիացի ֆուտբոլիստներն առաջատար իրենց ակումբներում, բայց ոչ՝ հավաքականում»:
  • «Ինձ քննադատող բոլոր մարդիկ պետք է ուտեն իրենց բառերը»:
  • «Երբ Աստված որոշի, որ ժամանակն է, նա կգա մեր հետևից»:
  • «Ես ապրում եմ, ու ցանկանում եմ շարունակել ապրել»:

Համաշխարհային ֆուտբոլի անդրադարձը Դիեգո Մարադոնայի մահվանը

Միացի՛ր հայկական ամենասպորտային Instagram-ին:


«Անիծյալ 2020-ը». Ում կորցրեց մարզաշխարհն անցնող տարվա ընթացքում

Զլատան. «Նա, այո՛, ինձնից էլ է լավը»

Մարադոնան կարող է «հայտնվել» արգենտինական դրամի վրա

Ինսինյեի նոր դաջվածքը՝ նվիրված Մարադոնային (լուսանկար)

«Նապոլիի» ստադիոնը պաշտոնապես վերանվանվեց Դիեգո Մարադոնայի պատվին

Պելե. «Աշխարհը շատ ավելի լավը կլիներ, եթե մարդիկ կարողանային ավելի քիչ համեմատել»

Վան Պերսին՝ Մարադոնայի հետ հանդիպման մասին. «Նա համբուրեց իմ ձախ ոտքը»

«Բարսելոնան» կտուգանվի Մեսիի գոլի տոնումի համար

Կլոպ․ «Մարադոնային հանդիպելը հավասարազոր էր Հռոմի պապին տեսնելուն»

«Մարադոնան մահացավ աղքատության մեջ»․ Դիեգոյի ընկեր

«Հրաժեշտ տվեց ու գնաց տուն». Դիեգո Մարադոնայի կարիերայի 5 ամենավառ պահերը

Աղբյուր. Մարադոնան մահից առաջ խնդրել է զմռսել իր մարմինը

Արգենտինայի հավաքականի նախկին գլխավոր մարզիչը Մարադոնայի մահվանից հետո հոսպիտալացվել է

Արգենտինան խեղդվում է արցունքների մեջ. Մարադոնային հրաժեշտ են տալիս նախագահական պալատում (լուսանկարներ)

Ռոնալդինյոյի հուզիչ հրաժեշտը Մարադոնային

«Աշխարհի բոլոր ակումբները թող հավերժացնեն 10 համարը». Վիլաշ-Բոաշի առաջարկը