«Եթե Մխիթարյանը չի մասնակցելու եզրափակիչին, ի՞նչ իմաստ ունի այն Բաքվում անցկացնել». «Արսենալի» երկրպագուները վրդովված են - VNews
Բաժիններ

«Եթե Մխիթարյանը չի մասնակցելու եզրափակիչին, ի՞նչ իմաստ ունի այն Բաքվում անցկացնել». «Արսենալի» երկրպագուները վրդովված են

Երեկ «Արսենալը» հաղթեց «Վալենսիային» ու Եվրոպա լիգայի եզրափակիչի ուղեգիր ձեռք բերեց, որը տեղի է ունենալու Ադրբեջանի մայրաքաղաք Բաքվում:

Այսօր կրկին բարձրացավ Հենրիխ Մխիթարյանի՝ Բաքու մեկնելու հարցը: ՈւԵՖԱ-ն պատրաստ է աջակցել նրան՝ վիզա ստանալու հարցում, սակայն հայ ֆուտբոլիստի անվտանգությունն ապահովելը կախված է միայն Ադրբեջանի կառավարությունից: Այս տեղեկատվությունը շատ է զայրացրել «Արսենալի» երկրպագուներին, որոնք իրենց տարատեսակ բողոքներն են արտահայտել սոցիալական ցանցերում:

«Խնդրում եմ բացատրել ինձ՝ ի՞նչ իմաստ ունի Եվրոպա լիգայի եզրափակիչն անցկացնել Բաքվում: Ոչ մի իմաստ չեմ տեսնում: Բացի դա, Մխիթարյանը ֆուտբոլիստ է, ոչ թե Հայաստանի նախագահը»:

«Այն, որ Մխիթարյանը կարող է վիզա ստանալ, սակայն Ադրբեջանի կառավարությունը չի ապահովի նրա անվտանգությունը, Մխիթարյանի համար դա մահ կարող է լինել»:

«Ի՞նչ ենք անելու մենք եզրափակիչում առանց Մխիթարյանի»:

«Եթե ՈւԵՖԱ-ն չի կարող հնարավոր դարձնել Մխիթարյանի՝ եզրափակիչում մասնակցելը, մենք առաջարկում ենք ՈւԵՖԱ-ին «Չելսիից» նույնպես մեկ խաղացողի արգելել խաղալ եզրափակիչում, և այդ ֆուտբոլիստին պետք է ընտրի «Արսենալը»: Ի՞նչ կասեք Ազարի մասին»:

«Ակումբը կստանա 12.000 տոմս Եվրոպա լիգայի եզրափակիչում: Մարզադաշտը տեղավորում է 70.000 հանդիսականի: Մխիթարյանը չի կարող մեկնել Ադրբեջան իր՝ հայ լինելու պատճառով: Ինչու՞ ընտրել եզրափակիչի անցկացման վայրն այսպիսի քաղաքական պատկեր ունեցող երկրում: ՈւԵՖԱ-ն զզվելի է»:

«Եվրոպա լիգա, ինչպե՞ս եք ընդունելու այն փաստը, որ Մխիթարյանը հնարավորություն չունենա Ադրբեջանում կայանալիք եզրափակիչում խաղալու»:

«Խեղկատակություն է Եվրոպայի լիգայի եզրափակիչը Բաքվում անցկացնելն այն դեպքում, եթե նրանք Մխիթարյանին չեն թողնելու այդ երկիր մտնել»:

«Ամոթալի է ՈւԵՖԱ-ի համար եզրափակիչն անցկացնել մի երկրում, որտեղ Մխիթարյանը նույնիսկ չի կարող մտնել»:

«Վստահ եմ, որ Մխիթարյանին կթողնել մասնակցել եզրափակիչին, իսկ եթե ոչ, ուրեմն դա մարդու իրավունքների լուրջ խախտում է ՈւԵՖԱ-ի կողմից»:

«Եթե Ադրբեջանը սկսի «խաղեր խաղալ», ապա եզրափակիչը պետք է անցկացնել «Ուեմբլի» մարզադաշտում»:

Միացի՛ր հայկական ամենասպորտային Instagram-ին:


«Ռեալ Մադրիդ Կաստիլյայի» ֆուտբոլիստը՝ «Բարսելոնայի» և անգլիական ակումբների նշանառության տակ

Որքան կորուստ կկրեն ԱՊԼ-ի ակումբները, եթե մրցաշրջանը կիսատ մնա

Մխիթարյանը միացել է «Ռոմայի» բարեգործական ակցիային

Արտետան ցանկանում է ունենալ «Ռեալի» խաղացողին. «Արսենալը» 55 միլիոն եվրո կառաջարկի

Դերափոխություն․ Ինչու է Մխիթարյանին ավելի հարմարավետ «Ռոմայում», քան «Արսենալում»

2 մերժված առաջարկ. «Ռոման» այլ ֆուտբոլիստ է դիտարկում Մխիթարյանի փոխարեն

«Ռոման» ևս մեկ առաջարկ է կատարել Մխիթարյանի համար

Մխիթարյանը հայտնվել է «Մանչեսթեր Յունայթեդի» վատագույն տրանսֆերների ցանկում՝ պոստ-Ֆերգյուսոն ժամանակաշրջանում

Մխիթարյանն «Արսենալի» ներկայացուցիչներին հայտնել է, որ կցանկանար մնալ «Ռոմայում»

«Արսենալը» հավակնորդ է Խամես Ռոդրիգեսի տրանսֆերային պայքարում

«Գյոտցեի խաղի պատճառը փողերից հագեցվածությունը կարող է լինել․ դա նկատելի է նաև Օզիլի օրինակում»․ Միխայել Ռումենիգե

«Մխիթարյանը ֆենոմենալ ֆուտբոլիստ է. ես նրանից խորհուրդներ եմ հարցնում». Զանիոլո

«Արսենալը» կկանգնեցնի Արսեն Վենգերի արձանը

Արտետան խոսել է կորոնավիրուսից վերականգնման մասին

Մխիթարյանը տեսանյութ է հրապարակել՝ ներկայացնելով՝ ինչով է զբաղվում ինքնամեկուսացման ընթացքում (տեսանյութ)

#Throwback. Լուչեսկուի համեստ, բայց հզոր «Շախտյորը», որտեղ փայլեց Մխիթարյանը