Եվրոպայի առաջնություն. Հայաստանցի 5 շախմատիստներ առաջատարների թվում են

Բրատիսլավայում տարիքային 6 խմբով անցկացվող շախմատի Եվրոպայի պատանեկան առաջնությունում Հայաստանը ներկայացնող 29 շախմատիստներից 5-ը 4 տուրից հետո առաջատարների խմբում են:

Մինչև 18 տարեկանների մրցաշարում գերազանց է մեկնարկել գրոսմայստեր Արամ Հակոբյանը, որը նորվեգացի Ֆրեդրիկ Տոր Կասենի հետ 4 միավորով գլխավորում է մրցաշարային աղյուսակը:

Մինչև 16 տարեկանների մրցաշարում առաջատար եռյակում միայն հայեր են: 4 միավոր են վաստակել ՖԻԴԵ-ի վարպետ Արմեն Բարսեղյանն ու Տիգրան Սարգսյանը, ինչպես նաև Ռուսաստանը ներկայացնող միջազգային վարպետ Ստեփան Պողոսյանը:

100 տոկոսանոց արդյունքով առաջատարների թվում են նաև Ալեքս Սահակյանը (մինչև 14 տարեկաններ) և Ռոբերտ Փիլիպոսյանը (մինչև 12 տարեկաններ):

Հայ շախմատիստուհիներից առավել հաջող է հանդես գալիս Աստղիկ Հակոբյանը, որը մինչև 14 տարեկան աղջիկների մրցաշարում վաստակել է 3,5 միավոր և ընդամենը կես միավորով է հետ մնում առաջատարից:

Միացի՛ր հայկական ամենասպորտային Instagram-ին: