Եվրոպայի առաջնություն. Ռոբերտ Փիլիպոսյանը 6-րդ անընդմեջ հաղթանակը տոնեց - VNews
Բաժիններ

Եվրոպայի առաջնություն. Ռոբերտ Փիլիպոսյանը 6-րդ անընդմեջ հաղթանակը տոնեց

Բրատիսլավայում տարիքային 6 խմբով անցկացվող շախմատի Եվրոպայի պատանեկան առաջնությունում հայ շախմատիստներից պարզապես գերազանց ելույթներ է ունենում մինչև 12 տարեկանների մրցաշարի մասնակից Ռոբերտ Փիլիպոսյանը, որը 6-րդ անընդմեջ հաղթանակը տոնեց: Նրա մրցակիցն իր հետ աղյուսակը գլխավորող ուկրաինացի Վադիմ Պետրովսկին էր: Հերթական հաջողությունից հետո Ռոբերտ Փիլիպոսյանը 6 միավորով միանձնյա գլխավորեց մրցաշարային աղյուսակը:

Մինչև 18 տարեկանների մրցաշարում Արամ Հակոբյանն առաջին պարտությունը կրեց հոլանդացի Լիամ Վրոլեյկի հետ մրցախաղում: Արամը 4,5 միավորով զիջեց առաջատարի դիրքը: Նա մեկ միավորով է հետ մնում աղյուսակը գլխավորող նորվեգացի Ֆրեդրիկ Տոր Կասենին:

Մինչև 16 տարեկանների մրցաշարում առայժմ անպարտելի է ՖԻԴԵ-ի վարպետ Արմեն Բարսեղյանը, որը հաշտություն կնքեց Սամիր Սահիդիի հետ: Բարսեղյանը ռուսաստանցի Ստեփան Պողոսյանի, Սամիր Սահիդիի և Պավել Տեկլաֆի հետ 5 միավորով գլխավորում է աղյուսակը:

Տարիքային այս խմբում հանդես եկող Տիգրան Սարգսյանը 2-րդ անընդմեջ պարտությունը կրեց՝ զիջելով հոլանդացի Սիեմ վան Դայելին: Սարգսյանն ունի 4 միավոր:

Մինչև 14 տարեկանների մրցաշարի մասնակից Ալեքս Սահակյանը ևս 2-րդ անընդմեջ պարտությունը կրեց՝ զիջելով թուրք Իսիկ Կանին: Ալեքսը 4 միավորով նահանջեց 22-րդ հորիզոնական:

Աննա Սարգսյանը մինչև 18 տարեկանների մրցաշարում 4-րդ անընդմեջ հաղթանակը տոնեց՝ պարտության մատնելով ռուսաստանցի Աննա Աֆանասևային ու վաստակեց 5 միավոր: Նա ընդամենը կես միավորով է հետ մնում աղյուսակը գլխավորող բելառուս Օլգա Բադելկային:

6-րդ տուրը հաղթական էր նաև մինչև 16 տարեկանների մրցաշարի մասնակից Մարիամ Մկրտչյանի համար, որի մրցակիցը Սլովենիայի ներկայացուցիչ Լարիսա Կուհարն էր: Մարիամը ևս վաստակել է 5 միավոր ու կես միավորով է հետ մնում առաջատարի դերը ստանձնած լեհ Պատրիցիա Վաշչուկին:

Միացի՛ր հայկական ամենասպորտային Instagram-ին:


21-րդ դարի ՀՀ առաջնությունների 25 ամենաարդյունավետ ֆուտբոլիստները

21-րդ դարում հայկական ֆուտբոլի 20 ամենաարդյունավետ ֆուտբոլիստները

Ավարտական տուրը կանվանի մրցանակակիրներին

Հովիկ Հայրապետյանը շատ մոտ է վերջնական հաջողությանը

Առաջատարների խմբում նեղվածք է

Հովիկ Հայրապետյանը շարունակեց հաղթարշավը

Հովիկ Հայրապետյանը ստանձնեց միանձնյա առաջատարի դերը

Արամ Հակոբյանն արժանացավ 1500 դոլար պարգևավճարի

Լավագույն ցուցանիշը Հայաստանի վերջին 13 առաջնություններում․ Մորի Կոնեի խելահեղ մրցաշրջանը

Ռոբերտ Արզումանյանը՝ «Ուրարտու-2»-ի գլխավոր մարզիչ

Թրեբլ ձևակերպած առաջին հայկական ակումբը․ Լուծարված «Ցեմենտի»/«Արաքսի» դերը հայկական ֆուտբոլում

Չեմպիոնության համար պայքարը հասավ գագաթնակետին

Սամվել Տեր-Սահակյանը գլխավորեց աղյուսակը

Մրցաշարում երկիշխանություն հաստատվեց

Սամվել Տեր-Սահակյանը հաղթեց չեմպիոնին ու գլխավորեց աղյուսակը

Հինգ մրցախաղերից երեքն արդյունավետ ելք ունեցան