fbpx
Բաժիններ

Ըմբշամարտի ԵԱ․ 5 ըմբիշներ սկսում են պայքարը, ևս 3-ը կպայքարեն միայն բրոնզի համար

Բուխարեստում շարունակվում է ըմբշամարտի Եվրոպայի առաջնությունը։ Ապրիլի 13-ին պայքարի մեջ են մտնում հունահռոմեական ոճի ըմբշամարտի Հայաստանի հավաքականի մնացած 5 մասնակիցները, իսկ նախորդ օրվա արդյունքներով ևս 3 մարզիկ էլ գոտեմարտելու են բրոնզե մեդալների համար։

60 կգ քաշային կարգում Հայաստանը կներկայացնի Գևորգ Ղարիբյանը, ով 1/8 եզրափակչում կմրցի Ուկրաինայի ներկայացուցիչ Լենուր Տեմիրովի հետ։

67 կգ քաշային կարգում Կարեն Ասլանյանը որակավորման փուլում կգոտեմարտի մեկ այլ հայ մարզիկի՝ Գևորգ Սահակյանի հետ, ով ներկայացնում է Լեհաստանը։

72 կգ քաշային կարգում Հրանտ Կալաչյանի մրցակիցը Ռուսաստանի հավաքականից Աբուազիդ Մանտսիգովն է։

82 կգ քաշայինների պայքարում Սարգիս Քոչարյանը 1/8 եզրափակչում կմրցի ռուս Ալեքսանդր Կոմարովի հետ։

Արթուր Շահինյանն էլ 97 կգ քաշային կարգում պայքարը կսկսի որակավորման փուլից՝ մրցելով շվեդ Պոնտուս Լունդի հետ։

63 կգ քաշային կարգում Սլավիկ Գալստյանը առաջին սփոփիչ գոտեմարտում կմրցի բելառուս Մաքսիմ Նեհոդայի հետ, իսկ հաղթելու դեպքում բրոնզի համար գոտեմարտում կհանդիպի ադրբեջանցի Տալեհ Մամադովին։

77 կգ քաշային կարգում Արսեն Ջուլֆալակյանի առաջին մրցակիցը ադրբեջանցի Էլվին Մուրսալիևն է, հաղթելու դեպքում մեր մարզիկը հաջորդ սփոփիչ գոտեմարտում կմրցի մոլդովացի Դանիել Կատարագայի հետ, իսկ բրոնզի համար գոտեմարտում նրան կսպասի Բուլղարիան ներկայացնող Դանիել Ալեկսանդրովը։

87 կգ քաշային կարգում Մաքսիմ Մանուկյանը առաջին սփոփիչ գոտեմարտը կանցկացնի Դենիս Կուդլա – Դավիդ Չակվետաձե զույգի հաղթողի հետ, իսկ ապա բրոնզի համար անհրաժեշտ կլինի հաղթել բելառուս Միկալայ Ստադուբին։

Վերոնշյալ բոլոր գոտեմարտերը կանցկացվեն մրցումային օրվա առաջին սեսիայի ընթացքում, որը կմեկնարկի Երևանի ժամանակով 12։30-ից։

Հայ մարզիկների ելույթներին կարող եք հետևել Vivaro News – Armenian Sport էջում:

Հետևե՛ք VNews.am-ին նաև Youtube-ում և Instagram-ում:


Մաքսիմ Մանուկյանը բրոնզե մեդալ է նվաճել Թբիլիսիում

Հայ ըմբիշները 3 մեդալ են նվաճել Թբիլիսիի մրցաշարում

Նորայր Հախոյանը կպայքարի ոսկե մեդալի համար Թբիլիսիի մրցաշարում

Շահինյանը հաղթեց Մանուկյանին եզրափակիչում ու դարձավ Լեհաստանի մրցաշարի հաղթող

Գևորգ Ղարիբյանը բրոնզե մեդալ նվաճեց Լեհաստանի միջազգային մրցաշարում

Մաքսիմ Մանուկյանն ու Արթուր Շահինյանը կմրցեն Լեհաստանի մրցաշարի եզրափակիչում

Հունահռոմեական ոճի ըմբիշները կմասնակցեն 2 միջազգային մրցաշարի

Լևոն Ջուլֆալակյան. «Արթուր Ալեքսանյանը գոտեմարտ առ գոտեմարտ ավելացնում էր»

Մաքսիմ Մանուկյանը պարտվեց սփոփիչ գոտեմարտում

Մեդալների մեծ հույսով. Հայաստանի ներկայացուցիչները, 2-րդ Եվրոպական խաղերի եզրափակիչ օրը

Կարեն Ասլանյանը պարտվեց բրոնզե մեդալի համար գոտեմարտում

Մաքսիմ Մանուկյանը իրավունք է ստացել անցկացնել սփոփիչ գոտեմարտ

Մաքսիմ Մանուկյանը պարտվեց մեկնարկային գոտեմարտում (տեսանյութ)

Մեդալների հույսով. Եվրոպական խաղերում այսօր մրցում են մեր հունահռոմեականներն ու մարմնամարզիկները

Կարապետ Չալյանը եզրափակչում է, Կարեն Ասլանյանը կպայքարի բրոնզի համար (տեսանյութ)

Կարեն Ասլանյանն ու Կարապետ Չալյանը Եվրոպական խաղերի կիսաեզրափակիչում են