fbpx
Բաժիններ

Ըմբշամարտ. Ի՞նչ սպասել հայ մարզիկներից Եվրոպական խաղերում

Եվրոպական խաղերը անցկացվում են ամեն քառամյակը մեկ անգամ ու հիանալի հարթակ են մարզիկների համար ոչ միայն պատրաստվելու Օլիմպիական խաղերին, փորձարկելու սեփական ուժերը, այլ նաև ձեռք բերելու Տոկիո 2020-ի ուղեգրեր: Խաղերին մասնակցելու է ավելի քան 4000 մարզիկ 50 տարբեր երկրներից, որոնք մրցելու են 15 օլիմպիական և ոչ օլիմպիական մարզաձևերում: Նախորդ ԵԽ-ն անցկացվել էր Ադրբեջանի մայրաքաղաք Բաքվում այդ պատճառով Հայաստանը ներկայացել էր 25 հոգանոց պատվիրակությունով՝ նվաճելով մեկ արծաթե մեդալ: Սակայն այս անգամ Հայաստանը ունենալու է 37 ներկայացուցիչ 9 մարզաձևում ու բնականաբար, մեդալային հույսերը ավելի մեծ են:  Առաջարկում ենք մարզաձև առ մարզաձև, մարզիկ առ մարզիկ ծանոթանալ մասնակիցներին, նրանց հաջողություններին ու հասկանալ, թե ումից ինչ է պետք ակնկալել, որ արդյունքը կլինի հաջողություն, որը՝ ձախողում:

Բռնցքամարտ. Ի՞նչ սպասել հայ մարզիկներից Եվրոպական խաղերում

Ըմբշամարտ

Անցկացման օրեր՝ հունիսի 21-30
Մեդալների հավաքածու՝ 18
Մասնակիցներ՝ 288
Վայր՝ Սպորտի պալատ

Ազատ ոճում Հայաստանի ներկայացուցիչներ՝ Գարիկ Բարսեղյան (57 կգ), Վալոդյա Ֆրանգուլյան (65 կգ), Սարգիս Հովսեփյան (97 կգ), Անդրանիկ Գալստյան (125 կգ)

Ազատ ոճում սերնդափոխությունը մեկնարկը տրվեց Եվրոպայի առաջնությունից, և ըստ առաջին կայծերի, մի քանի տարի անց մեդալային հրավառությունների ենք ականատես լինելու: Սակայն կյանքն է թելադրում է ապրել ներկայով, ոչ թե ապագայով կամ անցյալով: Այս կազմում կան թե՛ երիտասարդներ, թե՛ փորձառուներ:

Գարիկ Բարսեղյանը այն եզակի մարզիկներից է, որը մասնակցելու է Եվրոպական խաղերին 2-րդ անգամ: Իսկապես, նրա մասին վաղուց ոչինչ չէինք լսել, բայց հավանաբար կհիշեք Եվրոպայի 2014 թվականի առաջնությունում նրա բրոնզե մեդալը: Այս տարի նա մասնակցեց Մախաչկալայի մրցաշարին ու վերադարձավ ձեռնունայն, այդ պատճառով ակնկալիքները մեծ չեն:

Թերևս ամենամեծ հույսը Վալոդյա Ֆրանգուլյանն է, որը վերջերս կայացած Կիևի մրցաշարում դարձել էր արծաթե մեդալակիր: Ֆրանգուլյանի քաշային կարգում մրցակցությունը մեծ է, ուստի նրա համար մեդալը կարող ճակատագրական դառնալ:

Սարգիս Հովսեփյանն ու Անդրանիկ Գալստյանը Հայաստանի չեմպիոններն են ու արժանիորեն են իրենց դրսևորել երիտասարդական հավաքականում, բայց մեծահասակների պայքարում դեռ երկար ճանապարհ ունեն անցնելու:

Լավատեսական կանխատեսում՝ 2 մեդալ

Իրատեսական կանխատեսում՝ 1 մեդալ

Միացի՛ր հայկական ամենասպորտային Instagram-ին:

1 2

Չեմպիոններ, որոնց տվել է Գյումրին երկրաշարժից հետո

«Արթուրը» ֆիլմը արդեն հասանելի է անգլերեն ու ֆրանսերեն տարբերակներով

Մաքսիմ Մանուկյան. «Այս տարի վնասվածքներ ունեցա, բայց հիմա ամեն ինչ նորմալ է»

Էդուարդ Սահակյանն ամփոփեց հունահռոմեական ոճի ըմբշամարտի Հայաստանի առաջնությունը (տեսանյութ)

Արթուր Ալեքսանյանը՝ ապաքինման պրոցեսի ու Հայաստանի առաջնության մասին (տեսանյութ)

Ազատ ոճի ըմբշամարտի Հայաստանի առաջնություն. բոլոր չեմպիոններն ու մրցանակակիրները

Արթուր Ալեքսանյանը դարձել է Հայաստանում ՅՈւՆԻՍԵՖ-ի ազգային դեսպան

Արթուր Ալեքսանյանի կոչը երեխաներին ու երիտասարդներին (տեսանյութ)

Արմեն Մելիքյանը՝ աշխարհի երիտասարդական չեմպիոն (տեսանյութ)

Արմեն Մելիքյանն աշխարհի Մ23 առաջնության եզրափակիչում է

Արմեն Մելիքյանը դուրս է եկել աշխարհի Մ23 առաջնության կիսաեզրափակիչ

Արթուր Ալեքսանյանի մարզադպրոցի համար շուրջ 24 մլն. է առանձնացվել

Հայաստանի հավաքականի կազմը աշխարհի մինչև 23 տարեկանների առաջնության համար

Արթուր Ալեքսանյանը վերադարձել է մարզումներին (տեսանյութ)

Անկախ Հայաստանի բոլոր աշխարհի չեմպիոնները

Հայ մարզիչները ամփոփեցին հունահռոմեական ոճի ըմբշամարտի աշխարհի առաջնությունը