«Յունայթեդը» հետաքրքրված է Պորտուգալիայի առաջնության լավագույն ռմբարկուի ծառայություններով

«Մանչեսթեր Յունայթեդը» հետաքրքրված է Լիսաբոնի «Բենֆիկայի» բրազիլացի հարձակվող Կառլոս Վինիսիուսի ծառայություններով՝ հաղորդում է Record-ը։

Աղբյուրի տեղեկություններով՝ մանկունիական ակումբը դիտարկում է բրազիլացի հարձակվողին ձեռք բերելու տարբերակը։ Կառլոս Վինիսիուսը Պորտուգալիայի առաջնության լավագույն ռմբարկուն է՝ խփած 15 գնդակով։

Նշվում է, որ թիմերն այս պահին բանակցություններ չեն վարում։

Վինիսիուսը «Բենֆիկայի» կազմը համալրել է 2019 թվականին «Նապոլիից»: Տրանսֆերի արժեքը կազմել է 17 միլիոն եվրո։

Պորտուգալիայի առաջնության ընթացիկ մրցաշրջանում ֆուտբոլիստը մասնակցել է 22 հանդիպման՝ դառնալով 15 գոլի և 7 գոլային փոխանցման հեղինակ։ Պայմանագրի ժամկետը «Բենֆիկայի» հետ լրանում է 2024 թվականի հունիսի 30-ին։

Միացի՛ր հայկական ամենասպորտային Instagram-ին: