«Յունայթեդը» նախատեսում է գնել «Չելսիի» կիսապաշտպանի տրանսֆերը

«Մանչեսթեր Յունայթեդը» ցանկանում է ձեռք բերել «Չելսիի» կիսապաշտպան Տիեմուե Բակայոկոյի տրանսֆերը՝ հաղորդում է բրիտանական Metro-ն:

24-ամյա ֆրանսիացին «Չելսիին» է միացել 2017 թվականին «Մոնակոյից»: Կիսապաշտպանի համար լոնդոնյան ակումբը վճարել է 40 միլիոն ֆունտ: Ֆուտբոլիստը հանդես էր գալիս «Չելսիում» Անտոնիո Կոնտեի գլխավորությամբ, սակայն երբ Մաուրիցիո Սարին ստանձնեց լոնդոնյան ակումբի գլխավոր մարզչի պաշտոնը, Բակայոկոն վարձավճարով տեղափոխվեց «Միլան»:

Ֆրանսիացին այժմ վերադարձել է «ազնվականների» թիմ և լավ հնարավորություն ունի ցուցադրելու իր որակները նորանշանակ գլխավոր մարզիչ Ֆրենկ Լեմպարդին:

«Մանկունիական» ակումբի համար Բակայոկոյի տրանսֆերը կարող է առաջնային դառնալ, եթե հնարավոր չլինի թիմում պահել Պոլ Պոգբային: Վերջինը «Յունայթեդից» հեռանալու պատրաստակամություն է հայտնել:

Միացի՛ր հայկական ամենասպորտային Instagram-ին: