«Յուվենտուս» – «Ֆիորենտինա» հանդիպման գլխավոր մրցավարը հաջորդ տուրում կարող է հանդիպում չստանալ

Ինչպես արդեն տեղեկացրել ենք, «Յուվենտուսը» սեփական հարկի տակ 0-3 հաշվով զիջել է «Ֆիորենտինային» Ա Սերիայի 14-րդ տուրում: Հանդիպման գլխավոր մրցավար Ֆեդերիկո Լա Պենան հաջորդ տուրում կարող է մնալ առանց հանդիպման՝ հաղորդում է La Gazzetta dello Sport-ը:

Նշվում է, որ Իտալիայի մրցավարների ղեկավար մարմինը դժգոհ է Լա Պենայի աշխատանքից: Ընդ որում՝ խոսքը չի վերաբերում հանդիպման մեկնարկում եղած դրվագին, երբ Լա Պենան VAR-ի միջամտությամբ Խուան Կուադրադոյին հեռացրեց խաղադաշտից:

Խնդիր կա գլխավոր մրցավարի այլ որոշումների վերաբերյալ:

Զեկույցում ասվում է, որ նա պարտավոր էր երկրորդ դեղին քարտը ցույց տալ «Ֆիորենտինայի» ֆուտբոլիստ Բորխա Վալերոյին, սակայն չի արել: Նշվում են նաև Գաետանո Կաստրովիլիի և Կրիշտիանու Ռոնալդուի, ինչպես նաև Բարտլոմեյ Դրոնգովսկիի և Ֆեդերիկո Բերնարդեսկիի դրվագները:

Պիռլոն նշել է՝ որն էր «Յուվենտուսի»՝ խոշոր հաշվով պարտության պատճառը

Միացի՛ր հայկական ամենասպորտային Instagram-ին: