Զիդան. «Ալավեսի» դեմ խաղի մեկնարկը վատագույնն էր մրցաշրջանում»

Մադրիդի «Ռեալի» գլխավոր մարզիչ Զինեդին Զիդանն «Ալավեսի» դեմ խաղից(1-2) հետո խոսել է հանդիպման մասին:

«Ես բացատրություն չեմ կարող տալ: Այս պահին մեզ համար լավ ժամանակները փոխվել են վատով: Երբ մրցակիցը գոլ է խփում 3-րդ րոպեին, գործերը բարդանում են: Մեր իրականությունը սա է:

Մենք պետք է շարունակենք աշխատել՝ օգնելով ֆուտբոլիստներին վերականգնվել: Մենք կայունության պակաս ունենք:

Այս խաղի մեկնարկը մեզ համար վատագույնն էր մրցաշրջանում: Մենք չէինք կարողանում փոխել խաղի դինամիկան, իսկ դա ինձ անհանգստացնում է: Մենք ունենք կայունության խնդիր, վնասվածքներ: Սա արդարացում չէ. սա իրականություն է»,- Marca-ն մեջբերում է Զիդանի խոսքը:

Միացի՛ր հայկական ամենասպորտային Instagram-ին: