Զիդան․ «Այս ամենը նման չէր ֆուտբոլային խաղի»

Մադրիդի «Ռեալի» գլխավոր մարզիչ Զինեդին Զիդանը դժգոհ է մնացել Լա Լիգայի 18-րդ տուրում «Օսասունայի» դեմ հանդիպումն անցկացնելու որոշումից:

Իսպանիայի գործող չեմպիոնն արտագնա խաղում գոլազուրկ ոչ-ոքի է արձանագրել:

«Խաղադաշտում արեցինք այն ամենը, ինչ կարող էինք, բայց սա նույնիսկ նման չէր ֆուտբոլային հանդիպման: Պայմանները շատ ծանր էին: Ամենը, ինչ կատարվեց այս 2 օրվա ընթացքում, շատ դժվար էր: Մենք նույնիսկ չգիտենք՝ ե՞րբ կկարողանանք վերադառնալ Մադրիդ:

Ակնհայտ է, որ «Օսասունայի» դեմ հանդիպումը պետք էր հետաձգել: Պայմանները բավարար չէին ֆուտբոլ խաղալու համար, ինչը վերջիվերջո բոլորի ցանկությունն է: Հիմա արդեն իմաստ չկա խորասուզվել մանրամասների մեջ: Արեցինք այն, ինչ մեզ ասացին, խաղացինք, և այդքանը:

Պետք է մտածենք վերականգնվելու մասին, նույնիսկ եթե չգիտենք՝ կկարողանա՞նք վաղը վերադառնալ Մադրիդ, թե՞ դա կանենք երկուշաբթի: Արդեն չորեքշաբթի ևս մեկ հանդիպում ունենք»,- Զիդանի խոսքերը մեջբերում է Goal․com-ը:

«Ռեալը» Լա Լիգայի ընթացիկ առաջնությունում անցկացրած 18 մրցավեճից հետո վաստակել է 37 միավոր և զբաղեցնում է աղյուսակի 2-րդ հորիզոնականը: «Օսասունան» 15 միավորով գտնվում է նախավերջին՝ 19-րդ տեղում:

AS․ Ով կփոխարինի Զիդանին «Ռեալի» գլխավոր մարզչի պաշտոնում

Միացի՛ր հայկական ամենասպորտային Instagram-ին: